1 мин
Шакири, Жака нар шийтгэл хүлээх болов уу?
Швейцарийн шигшээд Косовод төрсөн, албани гаралтай 6 тоглогч бий.
М.Сугар-Эрдэнэ
33 
26 
2 
"Таван цагариг" сонин, Монголын хөлбөмбөгийн холбооны тусгай сурвалжлагч Ц.Энхтүвшин
Энэ дэлхийн аваргын хамгийн "улс төржсөн" тоглолт нь Серб-Швейцарийн тоглолт боллоо. Серб бол Косовогийн тусгаар тогтнолыг хүлээн зөвшөөрдөггүй орнуудын нэг. Албанийн цагаачдын улс Косовог НҮБ-ийн 108 орон тусгаар улс хэмээн хүлээн зөвшөөрдөг ч ОХУ ч, Серб ч энэ тал дээр эсрэг байр суурьтай.
Косово энд ямар хамаатай юм гэх байх. Тэгвэл Швейцарийн шигшээд Косовод төрсөн, албани гаралтай 6 тоглогч бий. Тэдний хоёр нь Сербийн хаалганд гоол оруулж, гоолоо тэмдэглэхдээ Албанийн сүлдийг дүрслэн үзүүлсэн юм. Швейцарийн гол тоглогч Шакири бүүр тоглолтод өмссөн пүүзнийхээ нэгд нь Швейцарь, нөгөөд нь Косовогийн далбааг дүрсэлсэн байлаа.
Энэ тоглолтын дараа Сербийн тал мэдээж ФИФА-д гомдол гаргасан байна. Хөлбөмбөгийн уралдаан тэмцээний үед улс төрийн зорилготой элдэв үйлдэл хийх, тийм утгатай туг далбаа , баннерыг ФИФА хориглодог.
Дашрамд дурьдахад хоёр жилийн өмнө Мехико хотноо болсон ФИФА-ийн 66 лугаар конгрессоор Косовогийн хөлбөмбөгийн холбоог 211 дэх гишүүнээр баталсан билээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа