Индонезид эмэгтэйчүүдийг эрчүүдтэй хамт хооллохыг хориглосон хууль гарчээ
Индонезийн Ачех мужийн Бириен тойрогт кафе, зоогийн газруудад эрчүүд, эмэгтэйчүүд хамтдаа хооллохыг хориглолоо гэж "The Independent" сонин мэдээлсэн байна. Ийм байдлаар лалын талыг баримтлагч эрх баригчид эмэгтэйчүүдээр шариатын ёс дэглэмийг сахиулахаар шийдсэн байна. Орон нутгийн захиргааны удирдагчийн хэлснээр бол эмэгтэйчүүд зөвхөн нөхөр, ойрын төрөл садантайгаа л хамт хооллохоос биш өөр эрчүүдтэй хамт хооллох нь шариатын хэв журмыг зөрчиж байгаа хэрэг гэнэ.
Түшмэл бас энэ журмын гол зорилго нь “Эмэгтэйчүүдийн нэр төрийг хамгаалах, тэд биеэ зөв авч явж үүнийгээ мэдрэх, шариатын хуулийг зөрчихгүйн тулд ямар нэг алдаа гаргахгүй байхын тулд” гэсэн байна.
Шариатын хуулиар лалын шашинт мужид гэр бүл болоогүй хүмүүс өөр зуураа ямар нэг хэлбэрээр ойртохыг хориглодог байна. Шинэ журмаар бол эсрэг хүйсийн хүмүүс хамт хооллохоос гадна, эмэгтэйчүүд 21.00 цагаас хойш ганцаар явахыг бас хоригложээ.
Энэ онд бас энэ Ачехад нэгэн эмэгтэйг биеэ үнэлсэн хэмээн саваагаар зодож алсан хэрэг гарсан юм. Индонезийн лалын шашинтнууд амьдардаг цор ганц муж болох Ачехад шариатын хууль нь зөвхөн лалын шашинтнууд төдийгүй бүх иргэдэд үйлчилдэг юм байна.