Хүүхэд эцгээсээ сонссон үгийг илүү тогтоодгийг эрдэмтэд нотолжээ
Шинэ төрсөн хүүхдэд аль ч хэл төрөлх хэл шиг нь байдаг
Хүн бүрт өөрийн төрөлх хэл гэж байдаг, үүгээрээ ч ертөнцийн өнцөг булангийн хүмүүс харилцдаг. Харин аав ээж нь өөрийнхөө хэлээр ярьж байлаа ч шинэ төрсөн хүүхдэд ямар хэл нь жинхэнэ төрөлх байдаг вэ.
Энэ асуултын хариуг эрдэмтэд сонирхож хариуг нь олсон байна. Хүүхэд ээжтэйгээ байнга байж, ингэснээрээ өөрийн тархиндаа хэн надад амьдрал бэлэглэсэн билээ гэдгийг бодон, бүхий л мэдлэгийнхээ эхийг тавьдаг. Тэгээд эрдэмтэд асуудлын нарийн учрыг олох гэж судалгаа явуулжээ.
Туршилтын үр дүнд эцэг эх хоёроосоо хэл яриа сурдаг ч, энэ нь харилцан адилгүй гэнэ. Эцэг эх хоёр нь хоёр өөр хэлээр ярьдаг байх юм бол хүүхэд хоёр хэлтэй болно.
Хэний яриаг хүүхэд илүү тогтоодог вэ
Хүүхэд хэлд ороход эцэг эх хоёр бараг адил тэгш үүрэгтэй нь судалгаагаар тогтоогдсон байна. Хэрэв эцэг эх нь өөр өөр хэлээр ярьдаг бол хүү ч бай, охин ч бай хоёр хэлийг хоёуланг нь ойлгож, юу ярьж байгааг нь мэдэж чадна. Хүүхэд тэдний аль алины нь ярианаас хамгийн багадаа 800 гаруй үгийг өөрийн үгийн сандаа тогтоож авна. Судалгааны явцад бас ярих, хэл ярианы эрхтнүүдээ жолоодох чадварыг аав ээжтэйгээ харилцах явцдаа олж авах төдийгүй, угаасаа генид нь байна. Ийм ч учраас эрдэмтэд туршилтыг зөвхөн чадварын хувьд төдийгүй генетикийн түвшинд хэрхэн чадаж байгаагаар нь явуулжээ. Иймдээ ч генетикийн хувьд харин хүүхэд эхээсээ илүүтэй эцэгтэйгээ холбоотой болохыг тогтоосон байна.
Эрдэмтдийн санал
Хүүхдийн харилцааны хэлбэр тогтох явц, үгийн сан бүрэлдэхэд эцэг эхийн хэн нь илүү үүрэгтэй вэ гэдэгт хариу олох гэж удаан хугацааны туршид оролдож. Тэд үүнд хариулахын тулд дэлхийн 30 үндэстний дунд судалгаа явуулсан байна. Үндэстэн бүр амьжиргааны түвшин бусад үзүүлэлтээр нөхцөл байдал харилцан адилгүй байсан нь мэдээж. Эрдэмтэд зөвхөн хэлний талаас нь биш бас генетикийн үүднээс судалсан байна. Эцсийн эцэст дараах дүгнэлтэд хүрчээ.
- Бага насны хүүхдийн үгсийн санд эцэг илүү үүрэг гүйцэтгэдэг
- Харин ээж бол харилцааны хэв маяг, ярианы аялгыг төлөвшүүлдэг
- Эцэг бас генетикийн түвшинд өөрийн хэлний чадварыг өвлүүлдэг
- Ээжээсээ харин өөрийнхөө ярианы сэтгэл хөдлөл, өнгийг авдаг
Ярианы өнгө, аялгыг хүүхэд ээжтэйгээ харилцах явцад тогтоож авдаг бол үгийн нөөцөө эцгээсээ авдаг байна. Хүүхэд хүмүүжүүлэх явц нь эцэг, эх хоёрт аль алинд нь чухал. Ийм болохоор аав, ээж хоёр хүүхэдтэйгээ цагийг аль болох их өнгөрүүлж байх хэрэгтэй. Эцэг эх хоёрын хэн нэгэн нь хүүхэддээ цаг бага зарцууллаа ч гэсэн хүү, охин чинь та хоёрыг тэртэй тэргүй адилхан болж өснө. Хамгийн гол нь хүүхдээ ирээдүйд ямаршуухан яриа хөөрөөтэй хүн болгох вэ гэдгийг төлөвшүүлэхийн тулд аав ч, ээж ч хүүхэдтэйгээ байнга ярьж хөөрч байх хэрэгтэй байх нь.
