Тесла компанийн үйлвэрлэдэг машин, баттери зэргийн жижиг эд ангиудыг хийдэг Гигафактори үйлдвэр хоёр жилийн өмнө байгуулагджээ. Невада муж дахь энэхүү үйлдвэр нь маш том бөгөөд 4.9 сая квадрат фут хэмжээтэй аж.

Үйлдвэрт 2500 гаруй байнгын болон түр ажилчид зэрэгцэн ажилладаг байна. Үүнээс болж үйлдвэрийн 00 байнгын оочиртой, бохир байх нь наад захын асуудал гэнэ. Зарим ажилчид дараалалд зогсож тэсэлгүй шалан дээр ариун цэврийн цаас давхарлаж тавиад, дээр нь хүндрэх тохиолдол ч байдаг аж.

Мөн Гигафактори үйлдвэр нээгдсэнээс хойш мянга мянган ажлын байр бий болсон ч, үүнийгээ дагаад эргэн тойронд нь хэт их хүн амын төвлөрөл үүссэн нь бас нэг асуудал болжээ.

Өглөөний мөн оройн 5:30-6:00 цагийн хооронд Гигафактори үйлдвэр рүү орох хамгийн хэцүү гэнэ. Учир нь энэ цагт хүн бүр ажилдаа явдаг тул үйлдвэрийн ойролцоо машины урт цуваа үүсдэг байна. Асуудал үүгээр дуусахгүй бөгөөд үйлдвэр рүү орсноос хойш авто зогсоол олох нь түгжрэлээс дутахааргүй хүндрэлтэй байдаг аж.

Калифорни дахь Тесла үйлдвэрээс Невада дахь Гигафактори үйлдвэр рүү шилжиж буй ажилчдын хувьд хамгийн түрүүнд байрны асуудал тулгардаг байна. Учир нь тэд амьдрах байраа олтлоо  хоёр долоо хоног нийтийн байр эсвэл зочид буудалд түр байрлах хэрэгтэй болдог.

Энэ талаар үйлдвэрийн ажилтан "Бидний олсон хамгийн хямд буюу сарын 1200 долларын төлбөртэй байшин үйлдвэрээс 15 милийн зайтай. Тиймээс зарим ажилчид мөнгөө хэмнэхийн тулд шөнө үйлдвэрийн амралтын хэсэгт эсвэл зогсоол дээр тавьсан машиндаа хүртэл унтдаг” гэж ярьсан байна.

Гигафактори үйлдвэрийн 8 шинэчлэл

Мөн заримдаа 4 өдөр тасралтгүй ажиллаж, 4 өдөр амрах эсвэл 3 өдөр ажиллаад, 3 өдөр амрах зэрэг ээлж таардаг нь тун хүндрэлтэй байдаг аж. Тус үйлдвэрийн зай үйлдвэрлэлийг удирддаг  Жорж Стьюарт “Хэрвээ би долоо хоногт 70 цаг ажиллах ёстой бол, ажиллах л болно. Харин ажилчид маань долоо хоногт 50 цаг ажиллахгүй бол үр дүн гарахгүй” гэжээ.

Үйлдвэрийн ажилчдад тулгардаг өөр нэг асуудал нь дарамт юм. Теслагийн гүйцэтгэх захирал Элон Маск Гигафактори үйлдвэрт тогтмол очиж шалгалт хийдэг юм байна. Түүнийг үйлдвэрт очих үеэр яг л Битлз хамтлаг 1964 онд Нью-Йорк хотод очсон шиг зүйл болдог гэнэ. Учир нь ажилчид түүнд бүх зүйл хэвийн ажиллаж байгааг харуулж, санаанд нь нийцэх хэрэгтэй болдог тул маш их сандралд ордог аж.

Гэвч үйлдвэрийн зарим ажилчид нь Элон Маскийг чин сэтгэлээсээ даган биширдэг ба түүнийг өөрийн үйлдвэрлэлээрээ дэлхийг аврахад нэмэр болно гэж хатуу итгэн, хүнд хэцүүг ажрахгүй ажилладаг гэнэ.