АНУ, ОХУ-ын хооронд болох мөргөлдөөнд Орос улс зэвсгийн бүх хүчин чадлаа харуулна
АНУ, Оросын хооронд болох мөргөлдөөнд цөмийн зэвсэг хэрэглэх хүртэл тодорхой хугацаанд ердийн зэвсгийн байлдаан болох гэнэ. Энэ талаар Оросын пуужин их бууны цэргийн мэдээллийн бодлогын шинжлэх ухааны академийн дэд ерөнхийлөгч Константин Сивков “Цэрэг аж үйлдвэрийн бодлого” сэтгүүлд бичсэн байна.
Мөн шинжээчдийн үзэж байгаагаар “Хоёр улсын аль аль нь элчин сайд, дипломат ажилтнуудаа эргүүлэн татаж байгаа нь харилцан цохилт өгөх, сөргөлдөөнд бэлтгэх эхний алхам юм. Улмаар үүнээс үүдэж хоорондоо дайтах бусад өдөөлтүүд үүсэж ч болзошгүй" гэжээ.
Мөн Константин Сивковынхоор бол “Энэ нь Орост урьдчилан сэргийлэх арга хэмжээ авах хангалттай нөөц хугацаа бий болгох болно. Урьдчилан сэргийлэх арга хэмжээ гэдэг нь Орос руу чиглэсэн баллистик болон далавчит “Калибр”, Х-101, “Кинжал” пуужин байрласан газруудад ердийн зэвсгээр өрсөж цохилт өгөх явдал юм. Мөн дайсан манай хилийн ойролцоо хэчнээн дунд тусгалын баллистик болон далавчит пуужин байрлуулснаас шалтгаалаад 50-аас эхлээд 200 ширхэг ийм пуужин байршуулах шаардлагатай болно” гэжээ.
Сивков бас өнгөрсөн аравдугаар сард "Өнөөгийн Орос улс АНУ-тай цөмийн зэвсгээр тооны хувьд өрсөлдөж чадахгүй. Харин арай өөрөөр буюу тухайлбал 100 мегатонн тротиллын эквивалентаас илүү чадалтай цөмийн зэвсэг бүтээж байж л давна" гэсэн санал дэвшүүлж байсан юм.
Үүнтэй холбоотойгоор “Арсенал Отечества” сэтгүүлийн шинжээч Алексей Леонков өнгөрсөн есдүгээр сард мөн "Орос улс дайсантайгаа уламжлалт аргаар тулалдахгүй, харин орчин үеийн “Калибр” Х-35Э, Х-32 зэрэг өндөр нарийвчлалтай тусгал бүхий пуужингаар л байлдана" хэмээн бичиж байсан юм.