Саудын Араб АНУ-аас пуужингийн дайралтаас хамгаалах THAAD системийг 15 тэрбум доллароор худалдаж авах гэрээ хийжээ. Энэ талаар АНУ-ын Төрийн департаментаас мэдээлсэн байна.

Хоёр улсын өндөр албан тушаалын хүмүүс энэ сарын 26-нд зөвшилцөл байгуулсан ажээ. 

АНУ-ын Төрийн департамент Саудын Арабтай THAAD системийн 44 харвах суурь, 360 пуужин, удирдлагын 16 цэг, радарын долоон төхөаамжийг нийлүүлэх гэрээг 2017 оны есдүгээр сард хийж байсан аж.

“Пуужин эсэргүүцэх THAAD систем худалдаж байгаа нь ираны дэглэмийн болон ираны хэт даврагч бүлэглэлийн харваж болзошгүй баллистик пуужингийн аюулаас Саудын Араб болон Персийн булангийн бүсийг Саудын Араб удаан хугацаагаар хамгаалсанаар энэ нь АНУ-д ашигтай нөхцөл байдал үүсэх юм” гэж АНУ-ын гадаад харилцааны төлөөлөгч тэмдэглэсэн байна.

Бүс нутгийн аюулгүй байдал

“Саудын Арабыг манай орны, бас Израилын, тухайн бүс нутаг дахь манай түншүүдийн ашиг сонирхлыг хамгаалах найдвартай түнш гэж АНУ үздэг юм” хэмээн АНУ-ын ерөнхийлөгч Дональд Трампын хэлсэн үгийг Төрийн нарийн бичгийн дарга Майкл Помпео иш татсан байна.

“АНУ урьдын адилаар Персийн блуангийг бүс нутгийн аюулгүй байдал, тогтвортой байдалд анхаарал тавьж байна. Хэдэн арван жилийн туршид бид энэ үүргээ биелүүлж, дипломат харилцаагаа бэхжүүлэх, бүс нутгийн батлан хамгаалах чадавхийг дээшлүүлэх, аюулгүй байдлыг хангах чиглэлээр зэвсэг, цэргийн техник худалдах, цэргийн сургууль, бэлтгэл, цэргийн салбарт хөтөлбөр солилцох зэрэг ажлууд хийсээр байгаа” гэж АНУ-ын Төрийн департаментын төлөөлөгч мөн цохон тэмдэглэв.

Ийм хэлэлцээр байгуулахын тулд Вашингтоны засаг захиргаа “сүрдүүлэх арга хэрэглэсэн” хэмээн Ройтерс агентлаг мэдээлж байна. Бүр өнгөрсөн оны есдүгээр сарын сүүлчээр Трамп Саудын Арабын хаан Сальман бен Абдель Азиз Саудуд утасдан зэвсэг авах хэлэлцээр хийхийг тулган шаардсан хэмээн тус агентлаг мэдээлж байсан юм. 

Конгрессын шүүмжлэл

Сэтгүүлч Жамал Хашкажиг туркийн Стамбул дахь Саудын Арабын ерөнхий консулын газарт хөнөөсний дараа америкийн хууль тогтоогчид Саудын Арабт 110 тэрбум долларын зэвсэг худалдах тухай АНУ-ын гэрээг хурцаар шүүмжилсэн. Харамсалтай нь THAAD систем өгөх тухай асуудал бүр өнгөрсөн онд Конгресс баталсан учраас энэхүү шүүмжлэл нь ямар нэг нөлөө үзүүлээгүй.

Энэ оны хоёрдугаар сард ОХУ-ын Ерөнхийлөгчийн цэрэг-техникийн хамтын ажиллагааны асуудлаарх туслах Владимир Кожин “Саудын Арабт С-400 систем нийлүүлэх баримт бичигт гарын үсэг зурж бүхий л тохиролцоогоо хийсэн гэж мэдэгдсэн. Үүнтэй холбоотойгоор Саудын Арабаас Москвад суугаа Элчин сайд Раид Халед Кримли энэ сарын эхээр зенит пуужингийн С-400 системийг Саудын Араб авах талаар эцсийн шийдвэр хараахан гараагүй байгаа. Энэ асуудлыг удахгүй шийдвэрлэх болно." гэж мэдээлсэн юм.