Жишээ №1
Сүүлийн үед гар утсанд 9911 тэй дугаар шууд бэлэн мөнгөөр авна гэх мэссэж их ирэх боллоо. Сураг ажгаар 9911 тэй дугаар 30-50 сая төгрөг болсон сурагтай. 9911-тэй дугаар барихаар их мөнгө олдог юм бол уу ? Эсвэл гэнэт их мөнгө олцон хүмүүс 9911 дугаар барих шаардлага гардаг юм бол уу бүү мэд.

Жишээ №2
Саяхан нэг түрээсийн байранд амьдардаг эр 570 машин лизингээр авч унасан байна. Үнэхээр байрны үнэтэй машиныг зээлээр авч унах өөрийн байртай болсноос илүү ач холбогдолтой байдаг юм бол уу ?

Жишээ №3 
Барилга гүүр зам гээд бүтээн байгуулалт хийхийн өмнө 30-50 сая төгрөгний үнэтэй тууз хайчлах ёслол үйлддэг. Үнэндээ ажлаа дуусгаж ашиглалтанд оруулчихаад тууз хайчилж байвал хүмүүс дургуйцэхгүй л дээ. Бас нэг дүр эсгэлт.

Жишээ №4
Нэг гоёмсог костюм, үнэтэй цаг зүүсэн нөхөд их боллоо. Тэднээс “Англи хэлний курст суух уу ? гэж асуувал яасан үнэтэй юм, дараа больё гэх байх. Костюм цаг эрдэм мэдлэгээс илүү үнэтэй цаг үед бид амьдарч байгаа ч юм шиг.

Жишээ №5 
Төрийн албанд очсон дарга болгон ажлын өрөөгөө 50,60-н сая, зарим нь бүр 200 сая төгрөгөөр засвар хийлгэдэг. 1000 даргын өрөөний засварын зардал нийлээд хэд болох бол ? Яг тооцоо гаргавал 20 жилийн дотор төрийн өмчийн байр нь биш, харин байранд орсон дарга нарын өрөөг тохижуулахад зарцуулсан зардлын нийлбэр нь барилгаасаа хэд дахин давсан гарна гэдэгт эргэлзэхгүй байна.

Өнгө зүсний араас хөөцөлдсөн хэлбэрдэлт хэзээ алга болно тэр үед л жинхэнэ хөгжлийн зам руугаа орох байх. Харин одоохондоо Монголын тэнэглэл, мунхаглал, хийрхэл, дүр эсгэлтийг тоочоод баршгүй. Монголоороо бахрахдаг үе өнгөрч, хавтгай дэлхийд хөгөө чирж, хамгийн муу жишээ болгон яригддаг болсныг хүн бүр мэддэг ч юу хийж чадахгүй байна.

А.Долгоржав