Завхан аймгийн Асгат сумын хайрхан багийн малчин Цэрэнхандынх гурван хүүтэй. Хамгийн том нь буюу талийгаач В нь 18 нас хүрээгүй байхдаа 3,11 насны дүү нараа орхин цэргийн албанд өөрийн хүсэлтээр өнгөрсөн 10-р сард морджээ. Завхан аймгийн Асгат сумаас гурван залуу алба хаахаар цэрэгт явсны нэг нь талийгаач. Талийгаач В нь сумынхаа есөн жилийн дунд сургуулийг хоёр жилийн өмнө төгссөн байна. Тэрээр өнгөрсөн 10-р сард Увс аймгийн Баруунтуруун суман дахь 0311-р ангид алба хаахаар хуваарилагдсан байна. Гэтэл 2019 оны 01-р сарын 31-нд В нь ахлагчийнхаа моринд өвс тавьж өгнө гэж хэлээд морийг нь унаад цэргийн ангиасаа гарчээ. Талийгаачийг 168 хүний бүрэлдэхүүнтэй 16 тээврийн хэрэгсэл, хоёр нисдэг тэргээр хоёр өдөр хайсны эцэст хоёрдугаар сарын 02-ны өдөр олсон байна. Эрлийн багийнханг олох үед В нь амьд байсан бөгөөд ОХУ-ын хилрүү нэвтэрсэн байдалтай бүслэлтэнд оржээ. Тухайн үед талийгаач В нь хашгирч, тэнгэрлүү гурав буудаад, өөрийгөө буудаж хороосон байдал олдсон гэж ОХУ-ын талаас ажилласан эрлийн багийнхан мэдэгджээ. Талийгаач В-гийн цогцсыг 2-р сарын 3-ны шөнө нутагт нь авчирч дөрвөний үүрээр хөдөөлүүлсэн байна. Ийнхүү амиа алдсан цэрэг оргохоосоо хоёр хоногийн өмнө аавыгаа санаад байна гэж ар гэрийнхэнлүүгээ ярьж байжээ. Насанд хүрээгүй байхдаа ийнхүү дурлаж явсан армидаа амиа алдсан хүүг ангийнхан нь дарамталсан уу, тэрээр оргосон уу төөрсөн үү, амиа хорлосон эсэхийг тогтоохоор ажиллаж байна. Шүүх эмнэлгийн дүгнэлт гараагүй байгаа тухай эх сурвалж бидэнд мэдээлэл өглөө.
Н.ӨНӨРЦЭЦЭГ
Сэтгэгдэл (0)
Сэтгэгдэл бичигдээгүй байна