Хөвсгөл аймгийн Хөдөлмөр, халамжийн үйлчилгээний газар нь 2018 оны 4 дүгээр улиралд УИХ гишүүн Л.Мөнхбаатарын гэх Нэг тэрбум төгрөгийн Жижиг дунд үйлдвэрийг хөгжүүлэх зорилгоор Хөвсгөл аймагт олгосон хүүгүй 3 жилийн хугацаатай Хөдөлмөр эрхлэлтийг дэмжих төслийг ХХҮГазрын дарга Б.Эрдэнэхуяг нь Аймгийн засаг дарга Л.Ганболд болон Аймгийнхаа салбар зөвлөлд танилцуулалгүйгээр өөрөө дур мэдэн олгосон. Тэрээр өөрийн байгууллагын http://khovsgol.hudulmur-halamj.gov.mn/menu/233 сайтдаа ч байршуулалгүй ил тод зарлалгүйгээр мэдээлэлд ойр хүмүүст төслийн мөнгийг тараасан.
Тухайлбал: Аймгийн төрийн сангийн мэргэжилтэн Б.Цэлмэгтуяад олгосон нь тодорхой болсон. Б.Цэлмэгтуяа нь "Мөрөн хөвсгөл" сайт дээр энэ мэдээ гарангуут ХХҮГазар ирж авсан төслийн зээлээ бүрэн төлсөн сурагтай. Ингэхлээр Хөвсгөл аймагт жижиг дунд үйлдвэрийг хөгжүүлэх биш хэн нэгний хэрэгцээ хангах төсөл байсан нь ойлгомжтой байна. Мэдээж төрийн сангийн мэргэжилтэнд төсөл өгч байж гүйлгээг саадгүй гаргах нь тодорхой шүү дээ.
Мөн энэ төсөлтэй холбоотой байж магадгүй Хөдөлмөрийн хэлтсийн Дарга Б.Мөнхжаргал нь нэг тэрбум төгрөгийн санхүүжилт ирэх үед найзаасаа бэлгэнд 3 өрөө шинэ байр авсан тухайгаа бусдад сайрхан ярьж байсан дуулддаг. Мөн болоогүй Аймгийн засаг дарга асан А.Эрдэнэбаатар тэргүүтэй хүмүүс хадаг яндартай шинэ байрны түлхүүр гардуулж байсан нь илтэд сэжигтэй байгаа нь нэг тэрбумтай холбоотой байх хардлага төрүүлэхээр байна. Учир нь тэрээр төсөл сонгон шалгаруулалтын нарийн бичгийн даргаар ажилласан байдаг.
Төрийн албан хаагч өндөр дүнтэй хөрөнгө хэн нэгнээс бэлгэнд авсан бол хөрөнгө орлогын мэдүүлэгтэй мэдүүлсэн байх ёстой. ХХҮГазрын дарга Б.Эрдэнэхуяг нь Аймгийн салбар зөвлөлөөр оруулалгүй төслийн сонгон шалгаруулалтыг байгууллага дээрээ зохион байгуулсан нь Төсвийн хөрөнгөөр бараа ажил үйлчилгээ худалдан авах тухай хууль болон Төрийн албан хаагчын тухай хууль, ашиг сонирхолын тухай хуулийг бусад хууль тогтоомжийг илтэд зөрчсөн байгааг Монгол улсын ерөнхий сайд мэдэх хэрэгтэй байх.
Монгол улсын ерөнхий сайд У.Хүрэлсүх хэлэхдээ “хууль зөрчсөн хэн нэгэнтэй хатуу хариуцлага тооцно” гэсэн байдаг. Удирдах албан тушаалтан эрх мэдлээ ашиглан бусдад боломж олгосон болон өөрөө ашигласан байж болзошгүй гэж хардлага төрүүлж байна.
2018 оны санхүүгийн тайланд Аудит хийхэд дээрх Нэг тэрбумтай холбоотойгоор Төрийн Аудитын байгууллага нь ХХҮГазарт “Хязгаарлалтай” дүгнэлт өгсөнийг шилэн дансанд нийтлэгдсэн байдаг.
Төрийн Аудитын байгууллага нь зүгээр “Хязгаарлалттай” дүгнэлт өгөөд л асуудал ингэж хангаж байгаа бол нэн харамсалтай. Зүй нь бол энэ төслийн санхүүжилт эзэндээ очсон уу, хууль дүрэм зөрчсөн үү гэдгийг шалгаж мэдээлэх нь Аудитын газрын үүрэг байлтай.
Хөвсгөлийн нэгдсэн зар мэдээ группт тавигдсан скрийншот зургийг хавсаргав
Линк: https://www.facebook.com/groups/425921314201164/
Эх сурвалж: Буянаа