Б.Алтанжаргал: Ээж минь алга ташсан бол дээдийн жаргал тэр байлаа

Б.Алтанжаргал: Ээж минь алга ташсан бол дээдийн жаргал тэр байлаа
“Идэр жинчин”, “Төгөлдөр зургаан МАА” цомгоо гаргаж бие даасан, хүндэтгэлийн хоёр ч тоглолтоо хийчихсэн, донжийг нь тааруулан байж тун ч эвлэгхэн дуулдаг уртын дуучин Б.Алтанжаргалтай ярилцлаа. Тэрээр бусад уран бүтээлчтэй хамтран орчин үеийн хөгжмийн урсгалыг ардын урлагтай хослуулсан “LEGEND” нэртэй томоохон шоу тоглолтыг хийх гэж байна. Түүнтэй энэ талаар ярилцлаа.
 
-Яагаад ардын дуу дуулах болсон тухайгаа манай уншигчидтай хуваалцахгүй юу?
 
-Манай эмэг эх их сайхан дуулдаг хүн байсан. Анх дуулж сурахдаа л уртын дуу дуулж эхэлсэн юм. Уртын дуунд өөрийн эрхгүй татагдаад л орчихсон. Би эхээс зургуулаа, айлын гурав дахь хүүхэд. Зуны амралтаараа хөдөө мал дээр гарч, эрэмгий салхинд энгэр цээжээ алгадуулаад, хоолойныхоо чинээгээр гийнгоо хадааж  өслөө. Хүүхэд байхаасаа уртын дуунд дуртай болсон нь миний эмээ Д.Танданжалба гэж 84 настай буурайтай холбоотой. Эмээгийн маань ээж Ж.Дэжид хөгшин найр наадам эхлүүлж, хөгжөөдөг  нутаг орондоо хүндтэй, их сайхан дуулдаг хүн байсан гэдэг. Би 2001 онд СУИС-ийн Уртын дуу дуулаачийн ангид элсэн, Монгол Улсын гавьяат багш Ц.Дэлгэрт шавь орсноор уртын дуучин мэргэжил эзэмшсэн.
 
-Уртын дуун дээрээ гардаг шиг эр хүн байхсан гэж та нэгэн ярилцлагадаа дурдсан байсан. Тэгэхээр ардын дуунд яг ямар эр хүн дүрслэгддэг юм бэ?
 
-Жинхэнэ эр хүн гэж хэнийг хэлдэг вэ. Намба төрх, эр хүний ноён нуруу гэж юу байдаг. Мөн эцэг хүн ямар байх ёстой талаар миний дуулдаг төдийгүй бусад ардын дуун дээр ч сургамжилсан байдаг. Тэгээд л уртын дуун дээрээ гардаг шиг эр хүн байхсан гэж дандаа бодож, хичээдэг. Уртын дуу дуулахад хүний бие дотоод сэтгэл ариусч их сайхан болдог.
 
Дуугаарааа өөрийгөө аравнайлаад, дуугаа дуулахад хийморь сэргээд сайхан болчихдог.
 
-Та их олон ажил хийдэг юм байна. Циркийн тайзны морин дэл дээр үсрэхээс эхлээд урлагийн хүн цаашлаад уурхайд эксковаторын жолооч хүртэл хийдэг байх нь?
 
-Би 2009 оноос хойш одоог хүртэл “Багануур” компанид ажиллаж байна. Уул уурхайн хүнд машин механизм барьдаг. Хоёр өдөр ажиллаж, хоёр өдөр амардаг. Сургуулиа төгссөний дараа Тайваньд морин циркийн жүжигчин хийж байлаа. Тухайн үед  Монголд байгаа ээжийн минь бие хүндээр өвдсөн тул би энэ ажлаа  орхиж 2008 онд ээжийгээ асрахаар ирсэн. Ээж минь 2006 онд Бээжин хотод бөөрний хагалгаанд орсон тул хажууд нь заавал нэг хүн асрах хэрэгтэй болсон.  Тэгээд л циркээ орхисон. Ингээд жил орчим урлаг, циркээ орхиод Багануурт амьдарсан. Тэгж яваад Багануурын уурхайд ажилд орсон юм. Ажлаа харуулаас эхэлсэн. Дараа нь жолоочоор одоог хүртэл ажиллаж, дуугаа дуулсаар явж байна даа.
 
-Урлагийн хүний ар талд эхнэр хүн амьдралыг зохицуулж, цогцлоож байдаг.  Гэргийнхээ талаар яриач?
 
-Ардын урлагийг сонсдог хүн их цөөхөн шүү дээ. Ер нь нийт хүн амын 40 хувь л сонсдог байх. Огт сонсдоггүй 60 хувьд нь манай эхнэр байсан. 2011 онд анх Багануур дүүргийн наадам дээр танилцсан. Морины хөлс ханхалж, айраг сэнхийж, гийнгооч хүүхдүүд давхилдсан буйд газрын сайхан наадам болж байсан.  Наадам дээр хэд хэд таараад, танилцах завшаан олдсон. Анх болзож байх үедээ машиндаа дуу сонсоно, албаар солгой дуулна. Дуучин гэдгээ нууж байхгүй юу. Би өөрийгөө дуулдаг гэж огт хэлээгүй юм. Болзож байхдаа урлагт хайртай мөртлөө дуулж чаддаггүй хүн шиг л  яваад байсан. Нэг өдөр манай хүн намайг чи дуунд яагаад ийм дуртай юм бэ. Гэхдээ чи дуулаад дэмий байхаа гэж хэлж байсан юм./инээв/ Тэгсэн нэг өдөр найз нь манай эхнэрт миний дууг сонсгоод клипийг нь үзүүлээд танай найз залуу чинь ийм дуу дуулдаг юм байна шүү дээ гэж л мэдсэн. Түүнээс хойш ардын урлагт дуртай болсон доо.
 
– “LEGEND” хэмээх домгийн есөн дуучны тоглолт удахгүй болох гэж байгаа юм байна. Тоглолтынхоо талаар ярихгүй юу?
 
– Долдугаар сарын 7-12-ны хооронд Төрийн соёрхолт найруулагч Н.Наранбаатарын найруулгаар Морин хуурын чуулга, LEGEND нэртэй домгийн есөн дуучны тоглолтыг хийх гэж байгаа. Ардын урлагийн мюзикл төсөл юм. Гэхдээ орчин үеийн хөгжмийн урсгалтай, модерн бүжигтэй, мөн дуучид нь өөрсдөө дүрд хувирч жүжиглэнэ. Энэ их томоохон цар хүрээ бүхий тоглолт болно. Энэ жилийн миний хамгийн том ажил энэ байх. Уртын дууч Д.Жавхаасайхан, Д.Үүрийнтуяа, Х.Эрдэнэцэцэг, Б.Мөнхбаатар, О.Анхчимэг, Т.Баянжаргал, Т.Баатархүү нартай хамтран эртний домог, язгуур урлаг, шинэ найруулга бүхий энтертайнмэнт тоглолт юм.
 
-Таны хамгийн анхны уран бүтээл гэж хэлж болохоор “Дүүриймаа” хэмээх хөнгөхөн гунигтай дууг дуулсан. Гэсэн атлаа долоон жилийн хугацаанд тайзан дээр тоотой хэдхэн л дуулсан байх юм?
 
– Саяхан Багануур дүүрэгт  хийсэн тоглолт дээрээ долоон жилийн дараа дуулсан. “Дүүриймаа”-г дуулахаар ер бусын гуниг харуусалд умбачихдаг.
 
Цагийн цагт үг нь хувьсаж өөрчлөгдсөөр өдгөө бидэнд өвлөгдөн ирсэн тарнийн шидтэй энэ дууг хамаагүй дуулж болохгүй гээд би дуулахаас айдаг. Үг гэдэг тийм шидтэй. Сэтгэл гэгэлзээд, хоолой салгалаад, сонин болчихдог.
 
Ардын дууг та төгс  амилуул, чадахгүй бол харгис шалгуур, хатуу шийтгэлтэй гэж хүмүүс ам дамжин хэлэлцдэг нь оргүй зүйл биш. Жишээ нь “Гоолингоо” байна.  Ард түмэн дуулахаас цэрвэдэг, найр хурим дээр дуулдаггүйн учир нь домог түүхтэйгээ холбоотой байх.
 
-Хүн бүрт сэтгэлд нь тээглэдэг зүйл бий. Чухамхүү таны хувьд тэгж бодохын төдийд л сэтгэл хөндүүрлэдэг зүйл бий юу?
 
-Аав ээжийнхээ гэгээн дурсгалд зориулаад “Төгөлдөр зургаан МАА” гэдэг цомгоо гаргасан. Хандармаа, Сүнжидмаа, Алигэрмаа, Хоожиймаа, Дүүриймаа, Гавалмаа гээд зуун дамжиж магтан дуулагдсан зургаан “МАА”-тай бүсгүйчүүдийн дууг онцолж дуулж, цомог гаргасан.  Аав ээж хоёрыгоо 2007, 2008 онд дараалан алдсан. Анхны бие даасан тоглолт дээрээ ээж минь хамт байсан бол гэж их харууссан. Урлагийн замнал руу хөтөлсөн хүн бол манай ээж. Намайг хойрго алхам хийхэд минь зоригжуулж, хурцалдаг байсан. Хүн  чинь өөрийнхөө амьдралд хийж байгаа хамгийн том үйл явдал, баяртай гунигтай мөчүүдэд хайртай хүнээ л хамт байгаасай гэж боддог юм билээ. Анхны бие даасан тоглолтоо хийхдээ мянган хүн алга ташихаас илүүтэйгээр зөвхөн миний ээж л алга ташсан бол надад дээдийн жаргал байх байлаа. Үүн дээр л их харуусаж явдаг юм.
 
 
Б.Намуунтамир
Эх сурвалж: “Зууны мэдээ” сонин

4
таалагдаж байна

0
таалагдахгүй байна

Холбоотой мэдээлэл Бүгдийг үзэх

Сэтгэгдэл (-)

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү!
0/1000
  • Зочин ×
    Хариулах ({[{ cmmnt.children.length }]})
    0/1000
    • Зочин {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()

Дуртай төрөл

Афганистан дахь АНУ-н цэргүүдрүү халдсан халдлагыг Орос улс санхүүжүүлжээ

2020-07-02

Хятад улс Хонконгтой холбоотой Америкчуудад визны хориг тавина

2020-07-02

Лавров: Европын хил оросуудад хаалттай байна

2020-07-01

ОХУ Монгол Улсыг байранд нь байлгах хүсэлтэй байна

2020-06-30

Монголын үзэсгэлэнт охид (70 фото) №164

2020-07-01

Өлөндүү амьдарч, тэнэгдүү байхын нууц

2020-07-01

МАНдуулсандаа баярлахаасаа өмнө маш сайн бод!

2020-06-25

Яг үнэндээ бид пээдэлзсэн том цээжнээс өөр юу ч байхгүй хоосон толгойтнууд...

2020-06-23

QUALCOMM 5G болон хиймэл оюуны технологийг дараагийн шатанд гаргалаа

2020-07-06

Хятадын барилгын компаниуд болзошгүй аюулаас сэргийлэхийн тулд хиймэл оюун ухааныг ашиглаж байна

2020-07-06

Хиймэл оюун ухааны хувьсал: Хүний яриа ойлгодог төхөөрөмжүүд

2020-07-03

"Амазон" компани нүүр царай таних програмаа цагдаагийн байгууллагад ашиглуулахгүй

2020-06-16

Аюулын дохио: Тархи идэгч амёб

2020-07-06

Хоол хийх үед үүсдэг далд эрсдэлүүд

2020-07-03

Японы фирм ухаалаг утастай холбогддог амны хаалт зохион бүтээжээ

2020-07-03

Сансраас үлэмж хэмжээтэй од ор мөргүй алга болжээ

2020-07-01

Х.Баттулга: 2009 оноос хойш өөрчлөлт ороогүй СЕХ ялзарсан, тиймээс бүрэн бүрэлдэхүүнээрээ огцрохыг шаардаж байна

2020-06-30

Шинэ парламентын гишүүд ҮНЭМЛЭХЭЭ гардан авлаа

2020-06-29

Э.Бат-Үүл: Сонгуулийн хууль зөрчиж явуулсан сонгуулийг хүчингүйд тооцох хэрэгтэй!

2020-06-26

Б.Жаргалсайхан: Монголчууд офшортойгоо, ЖДҮ-тэйгээ эвлэрээд дуугай амьдар

2020-06-26

"Тесла" компани "Тоёота"-г гүйцэж, дэлхийн хамгийн үнэ цэнэтэй авто үйлдвэрлэгч болов

2020-07-04

Дэлхийн II дайнаас хойших гүн хямралтай нүүр тулна гэв

2020-06-23

Шинзо Абэ иргэдийг тоглолт, үзвэр үйлчилгээ үзэж эдийн засгаа аврахыг уриалжээ

2020-06-19

Эдийн засгийн хямрал дөнгөж эхэлж байгааг анхааруулжээ

2020-06-15

#04 Хасах 18 - Жинхэнэ найз, жирийн найз

2020-07-03

#29 Б.Батням - Манлайллын боловсролын үндэсний төвийн захирал

2020-07-01

#03 Хасах 18 - Халуун сэдэв

2020-06-19

#28 Б.Батнаран - Кофечин залуу өөрийн гэсэн "Нарны брэнд"-ээ нээжээ

2020-06-17

Зуны улиралд тослог бүлээн, шингэхэд хялбар хүнсийг сонгон хэрэглэх нь тохиромжтой

2020-07-05

Энгийн тооны алдаа таныг дампууралд хүргэх аюултай!

2020-07-03

Артерын даралт ихсэхэд нөлөөлөх хүчин зүйлс

2020-07-03

Хар тахал хэрхэн баячуудыг улам баяжихад тусалсан бэ?

2020-07-02

Б.Наранжаргал: Ковидын нөлөөгөөр орон сууцны үнэ он дуустал буурах төлөвтэй байна

2020-07-06

ШУТИС, Нийслэлийн ерөнхий боловсролын Эрин Эверест Интернэшнл сургуультай хамтран ажиллахаар боллоо

2020-07-01

Та 52 долоо хоног хадгаламжийн чалленжэд нэгдэх үү?

2020-07-01

Та 52 долоо хоног хадгаламжийн чалленжэд нэгдэх үү?

2020-06-30

Сэтгэл хангалуун ээлжийн амралтыг хэрхэн бий болгох вэ?

2020-07-03

Ямар гаригт зүүдэлсэн зүүд зөнтэй вэ?

2020-06-30

Хэвлэл мэдээлэл хэрхэн бидний зан байдал, бодол санаанд нөлөөлдөг вэ?

2020-06-29

Таныг огтхон ч хайрлаж чадахгүй хүний шинж тэмдэг

2020-06-19

Япон улс газар хөдлөлтийн үед ажиллах чадвартай хурдан галт тэрэг бүтээжээ

2020-07-03

5G сүлжээг нэвтрүүлэхэд их хэмжээний хөрөнгө зарцуулагдаж байна

2020-07-02

Инстаграм-г үүсгэн байгуулагч Кевин Систром Ковид-19 ын эсрэг веб хөтөч бүтээжээ

2020-07-02

Хөлөөрөө удирдах “ХУЛГАНА”

2020-06-29

ОХУ-аас иргэдээ татан авах ажиллагааг зохион байгуулж байна

2020-07-06

Баян-Өлгий аймагт тарваган тахлын сэжигтэй тохиолдол илэрлээ

2020-07-06

Шүүхээс Ж.Эрдэнэбатад зургаан жил хорих ял оноов

2020-07-06

Ховд аймгийн хөл хориог цуцаллаа

2020-07-06

Доржпаламын Эрдэнэцогт: ДАЛААД ОНД

2020-07-02

Далд ухамсар: Яагаад зарим баян хүмүүс ханиа орхиж залуу мисстэй суудаг вэ?

2020-07-02

Залуу үеэ хэт хөөргөж байж буруу замруу оруулчих вий дээ...

2020-06-29

Хөдөө явахдаа машиндаа хэдэн чихэр аваад тавьчихаарай

2020-06-23

Санал асуулга Бүгдийг үзэх

Та хэдэн настай вэ?

629 санал өгсөн

51-60
24.17%
41-50
20.03%
31-35
13.04%
36-40
9.54%
25-30
9.22%
21-24
7.15%
13-16
6.2%
65+
5.41%
17-20
5.25%

Өнөө цагт ямар орон дэлхий нийтэд хамгийн их аюул учруулж байна вэ?

1,292

Энэ цагийн дэлхийн хамгийн шилдэг удирдагч таны бодлоор хэн бэ?

2,499

Хамгийн чанартай боловсрол олгодог их дээд сургууль аль нь вэ?

1,708

Одоогийн улстөрчдөөс хэн нь биднийг зөв зам руу удирдах вэ?

7,119