Тост, Тосон бумбын нурууны тусгай хамгаалалттай газар нутагт хууль бусаар үйл ажиллагаа явуулж байгаа “Сауд гоби коэл транс” ХХК-ийн Баянтэсийн уурхайтай холбоотой асуудлаар Ерөнхий сайд У.Хүрэлсүх өнөөдөр холбогдох албан тушаалтнуудад чиглэл өглөө.
Тодруулбал, Ерөнхий сайд У.Хүрэлсүх өнөөдөр /2019.08.12/ Уул уурхай, хүнд үйлдвэрийн сайд Д.Сумъяабазар, Байгаль орчин, аялал жуулчлалын сайд Н.Цэрэнбат, МХЕГ-ын дарга Н.Цагаанхүү болон хууль хяналтын байгууллагын удирдлагуудыг байлцуулан Тост, Тосон бумбын асуудлаар хэлэлцэв. Улмаар ирэх лхагва гарагийн Засгийн газрын хуралдаанаар шуурхай байдлаар хэлэлцүүлэх чиглэлийг Ерөнхий сайд өгсөн байна.
Энэ талаар Байгаль орчин, аялал жуулчлалын сайд Н.Цэрэнбат "Тост, Тосон бумбын нуруутай холбоотой асуудлыг Засгийн газрын хуралдаанаар хэлэлцэх боллоо. Ажлын хэсгийн дүгнэлтийг үндэслэн Байгаль, орчин аялал жуулчлалын яам санал дүгнэлтээ гаргана" гэв.
Засгийн газрын хуралдаанаар хэрхэн хэлэлцэхээс "Сауд гоби коэл транс" ХХК-ийн тусгай зөвшөөрлийг цуцлах түдгэлзүүлэх эсэх шийдвэр гарах юм.
Гэхдээ Байгаль орчин, аялал жуулчлалын яамнаас байгуулсан Ажлын хэсгийг хууль бус, ашиг сонирхлын илт зөрчилтэй гэж үзэж буй учир яаралтай татан буулгаж, тараах шаардлагыг нутгийн иргэд, Ажлын хэсгийн зарим гишүүд, "Тост, Тосон бумба" үндэсний хэлэлцүүлэгт оролцогчдын зүгээс гаргаад байгаа билээ.
У.Хүрэлсүх: Яасан цадаж ханадаггүй шунал вэШударга ёс, үнэн ялах цаг ирлээ. Ерөнхий сайд У.Хүрэлсүх хууль бус үйл ажиллагаа явуулж буй Б.Чойжилсүрэн, Д.Эрдэнэбилэг нарын "Сауд Гоби Коэл Транс" ХХК-ийн уурхайн лицензийг цуцлах үүрэг даалгавар өглөө. Тост, Тосон бумбаа бүтэн авч үлдэх иргэдийн шударга тэмцлийг Монголын төр олж харж, чин шударгаар дэмжиж байгаад баярлаж байна. Шударга ёсыг тогтоож, иргэдийнхээ талд хуулийн дагуу шийдвэр гаргаж байгаа ерөнхий сайд У.Хүрэлсүхэд үнэхээр их баярлалаа. Шударга ёсны талд эцсээ хүртэл зогсож байгаа иргэддээ, хамтран зүтгэгчдэдээ, худалдагдаагүй сэтгүүлчдэдээ баярлалаа. Өнөөдөр /2019.08.12/ Уул уурхай, хүнд үйлдвэрийн сайд Д.Сумъяабазар, Байгаль орчин, аялал жуулчлалын сайд Н.Цэрэнбат, МХЕГ-ын дарга Н.Цагаанхүү, Тагнуулын ерөнхий газрын дарга С.Гэрэл, Цагдаагийн ерөнхий газрын дарга С.Баатаржав, АМГТГ-ын дарга Х.Хэрлэн болон бусад төрийн байгууллагын удирдлагуудыг дуудаж, Тост, Тосон бумбын асуудлаар шуурхай чиглэл өглөө. Улмаар ирэх лхагва гарагийн Засгийн газрын хуралдаанаар шуурхай байдлаар хэлэлцүүлэхээр боллоо.
Posted by Хархүү Мандахбаяр Mandakhbayar Kharkhuu on Sunday, August 11, 2019
