Шведийн эрдэмтэн дэлхийн дулааралтай тэмцэхийн тулд хүний мах идэхийг санал болгов
Шведийн эрдэмтэн хүний мах идэж үзэхээс татгалзахгүй гэв
Стокхольмын эдийн засгийн сургуулийн эрдэмтэн Магнус Содерлунд /Magnus Soderlund/ Шведийн нийслэлд зохиогдож өнгөрсөн "Gastro" олон улсын чуулга уулзалтад оролцохдоо хүн төрөлхтөн уур амьсгалын өөрчлөлттэй тэмцэхийн тулд нэгэн ер бусын хачирхалтай стратегийг баримтлах буюу хүний мах идэх хэрэгтэйг санал болгожээ. Мэргэжилтний үзэж буйгаар хэрэв дэлхийн нийт энэ санаанд илүү нээлттэй хандвал хүний цогцосноос гарган авсан махыг хэрэглэх замаар хүн төрөлхтнийг аварч болох гэнэ.
Каннибализм буюу хүний мах идэх явдлын тухай маргаан мэтгэлцээн нь хэлэлцүүлгийн хамгийн гол сэдвүүдийн нэг байсан аж.
Чуулганы хэлэлцүүлгийн зарим сэдэвт хүний амьдрал үнэхээр “тогтвортой байж” чадах эсэх, каннибализм нь ойрын ирээдүйд хүнсний аюулгүй байдалд тулгарч буй асуудлуудыг шийдвэрлэж чадах эсэх асуултууд багтсан байна. Содерлундын бодлоор бол “каннибализмын эсрэг уламжлалт цээр” нь цаг өнгөрөх тусам эцсийн дүндээ байхгүй болж магадгүй аж. Тийм учраас эрдэмтний үгээр бол хүний махыг зүгээр л амтлаад үзэхэд хангалттай гэнэ.
Магнус Содерлунд
Асуулт хариултын үеээр өөрийг нь хүний мах хэрэглэхэд бэлэн эсэхийг сонирхоход тэрбээр "би энэ асуудалд нээлттэй" гэж хариулсан бөгөөд “уламжлалт цээр”-ийг хаяхад бэлэн байгаагаа мэдэгджээ. Мөн тэрбээр гэрийн тэжээвэр амьтад, шавжийг хүнсэндээ хэрэглэх нь одоохондоо хүний махыг хэрэглэхээс илүү бодитой хувилбар болохыг нэмж хэлсэн байна.
"New-York Post"-д тавигдсан мэдээлэлд Содерлунд каннибализмыг уур амьсгалын өөрчлөлтийн эсрэг яг хэрхэн ашиглах талаар дурдаагүй байна. Хивэгч амьтдыг өсгөн үржүүлэх нь дэлхийн дулааралд маш их сөрөг нөлөө үзүүлж байгаа нь батлагдаад байгаа. Учир нь хүний үйл ажиллагаатай ялгарч буй нийт хүлэмжийн хийн 18% нь мал амьтаны хоол боловсруулах эрхтэнд үүсдэг байна.
Түүхээс харвал каннибализм нь эрүүл мэндэд аюултай гэдэг нь батлагдсан юм. Папуа-Шинэ Гвинейд орших омгуудын нэг нь сүсэг бишрэлийн зан үйлийн хэлбэрээр үхэгсдийнхээ махыг иддэг байжээ. Гэвч энэ уламжлалаасаа болоод омгийнхон Куру нэртэй тархи мэдрэлийн доройтолд хүргэдэг халдварт өвчинд нэрвэгдсэн байна. Энэ өвчний үед алхаж гишгэх чадвараа алдах, бүдүүлэг этгээд хөдөлгөөн хийх, өөрийн мэдэлгүй хэвийн бус татвалзах, булчингийн ажиллагаа муудах, оюун ухааны хомсдол, нүд сөлөр харах зэрэг эмгэгүүд үүдэг ажээ. Харин каннибализм устсанаар куру өвчин бараг алга болсон аж.
Өмнө нь судлаач Жеймс Коул хүний мах илчлэг багатай ч гэсэн каннибализм нь ямар ч утгагүй, хүн ёсноос гажууд гэж хэлж байв.
Сануулахад, эрдэмтэд агаарын хэм нэмэгдэх нь каннибализм гарах магадлалыг нэмэгдүүлж байна гэсэн дүгнэлтэд хүрч байсан нь тийм ч дээр үед биш бөгөөд дүгнэлтийг сонын зан байдал дээр хийсэн судалгаан дээр үндэслэсэн гаргасан. Хэдий тийм боловч эрдэмтдийн хэлснээр тэрхүү дүгнэлт бусад зүйлийн амьтдад ч адилхан хамаатай ажээ.
