Даваа гарагт Киргизстан, Тажикстан улсын хил дээр буудалцаан болсныг Оросын "Тасс" агентлаг мэдээлжээ.
Тажикстаны талаас эхэлж гал нээж Максат Киргизийн хилийн застав, дараа нь Баткен мужийн Лейлек дүүрэгт байрлах Сай хилийн застав руу буудсан бөгөөд урьдчилсан мэдээгээр нэг хилчин амь үрэгдсэн болохыг Киргизстан хилийн албаны хэвлэлийн төлөөлөгч мэдэгдсэн байна.
Киргизийн талын мэдээлж буйгаар тус буудалцаан хилийн маргаантай хэсэгт барилгын ажил хийж байсан иргэдээс шалтгаалсан аж. Тажикстан улсын Үндэсний аюулгүй байдлын үндэсний хорооны (ХКН) хилийн цэргийн хэвлэлийн төвөөс гаргасан мэдэгдэлд дурдсанаар, тус улсын хэд хэдэн иргэн буудалцааны үед хүндээр шархаджээ.
Өмнө нь байгуулсан гэрээнээс үл хамааран Киргизийн тал 2019 оны 9-р сарын 16-ны өдөр 18:45 цагт Согд аймгийн Гафуровскийн дүүргийн Овчи-Калач Бобожон тосгоны ойролцоо барилгын ажлыг эхлүүлсэн юм. Улмаар оршин суугчид Киргизчүүдийн хууль бус үйлдлүүдийг эсэргүүцэж, тэднээс барилгын ажлыг зогсоохыг шаарджээ. Тажикстаны хэвлэлийн албаны мэдээлснээр Киргизийн тал 250-300 хүнээс бүрдсэн нэмэлт цэргийн хүчийг дайчлан "өдөөн хатгалга" үйлдэж, 19.00 цагт зэвсэггүй иргэд рүү гал нээсэн бололтой. Үүний үр дүнд хэд хэдэн Тажик иргэд шархадсан байна.
Хоёр улсын хилийн урт 970 км бөгөөд өнөөдрийг хүртэл талууд 519 км хилийн шугамыг баталсан байжээ.