Элон Маскийн дэлхий дахиныг интернетээр хангах төлөвлөгөө хэрэгжвэл түүний компани 120 тэрбум ам.доллароор үнэлэгдэнэ
Элон Маскийн үүсгэн байгуулсан "SpaceX" компани нь дэлхийг хэрсэн хиймэл дагуулын асар том сүлжээг бий болгож, дэлхийн бүх хүмүүсийг өндөр хурдны интернетээр хангах "Starlink" хэмээх төслийн төлөвлөгөөг гаргаад байгаа .
Тавдугаар сард тэрбээр "Хэрэв "Starlink" дэлхийн харилцаа холбооны зах зээлийн хэдхэн хувийг эзэлж чадвал "SpaceX" нь жилд 30 тэрбумаас 50 тэрбум долларын орлого олох боломжтой." гэж хэлж байжээ.
"Morgan Stanley Research"-ийн санхүүгийн шинжээчид мягмар гарагт "Business Insider"-д илгээсэн тайландаа "SpaceX"-ийн суурь үнэлгээг 52 тэрбум доллар гэж үзсэн байна.
5-р сард "SpaceX" нь 60 туршилтын үр дүнд "Starlink" интернет хиймэл дагуулыг амжилттай хөөргөсний дараа компанийн үнэлгээ 33.3 тэрбум доллар болж, цахилгаан автомашины компани Теслагийн үнэлгээг бараг л давсан юм.
Энэ нь 2017 оны тооцоололтой харьцуулахад бараг 10 тэрбум доллараар илүү дүн байв.
Гэхдээ "Morgan Stanley Research"-ийн гаргасан шинэ тайланд "SpaceX"-ийн төлөвлөсөн 12,000 орчим "Starlink" хиймэл дагуул нь интернетийн салбарыг тасалдуулах магадлалтай болохыг дурджээ.
Түүнчлэн шинжээчид "Интернетийн хүртээмжийг өргөжүүлснээр дэлхийн хүн амын 50% -иас 75% нь өргөн сүлжээнд нэвтрэх боломжтой болно. Харин"SpaceX" нь өргөн сүлжээний захиалагчдын 10% -ийг авах болно" гэж бичсэн байна.
Уламжлалт хиймэл дагуулын интернет нь илүү том, хуучин, үнэтэй бөгөөд дэлхийгээс 35785.373 км-ын зайд байрладаг сансрын хөлгүүдэд тулгуурладаг. Гэхдээ энэ нь холболт хийхдээ хамрах хүрээ, дамжуулах чадварыг хязгаарладаг.
Тэгэхээр "Starlink" нь дэлхийгээс хэдэн зуун мянган км-ын зайд илүү олон тооны шинэ хиймэл дагуулуудыг байрлуулж, дэлхийг хөвөгч интернет кабелиар хооронд нь холбож чадвал дэлхийн өнцөг булан бүрд интернетийн хурд илүү нэмэгдэх аж.
Одоогийн засгийн газрын баримт бичигт зааснаар "Starlink" нь 2027 оны эцэс гэхэд ойролцоогоор 12,000 хиймэл дагуулыг байршуулах боломжтой аж. Харин ийм зүйл тохиолдвол "SpaceX" нь тойрог замд үйл ажиллагаа явуулж буй бүх сансрын хөлгүүдээс 6 дахин хурдан ажиллах юм.
Төслийг дуусгахад 10 тэрбум доллар буюу түүнээс дээш зардал шаардагдана гэж "SpaceX"-ийн ерөнхийлөгч бөгөөд үйл ажиллагаа эрхэлсэн захирал Гвинне Шотвелл 2018 оны 5-р сард хэлэв.
Гэхдээ Лондон дахь Их сургуулийн коллежийн компьютер сүлжээ хариуцсан судлаач Марк Хандли өмнө нь "Business Insider"-д "SpaceX" нь бидний удаан хугацааны турш хүлээсэн хамгийн сэтгэл хөдөлгөм шинэ сүлжээ" гэж хэлээд уг төсөл нь хүн бүрийн амьдралд нөлөөлж чадна гэж нэмж дурдаж байжээ.
Мөн хэрэв Элон Маскийн санаа бүрэн хэрэгжвэл сансарт хөөрөх зардал 100-1000 дахин буурах гэнэ.