Парис хотод чанга дуутай машин, мотоциклыг илрүүлж, торгох төхөөрөмжийг туршиж байна
Хэт чанга дуутай тээврийн хэрэгслүүд хаана ч олны бухимдлыг төрүүлж байдаг. Ялангуяа Францын нийслэл нь дуу чимээний асуудалтай удаан хугацааны турш тэмцсээр ирсэн юм.
Харин тэд саяхнаас Парисын Орли нисэх буудлын ойролцоо шинэ төхөөрөмжийг туршиж үзэж байгаа юм байна. Микрофонд суурилсан тус төхөөрөмж нь аливаа тээврийн хэрэгсэл (машин, ачааны машин, мотоцикл) зөвшөөрөгдсөн дуу чимээний хэмжээнээс давсан чимээг гаргаж байгаа эсэхийг шалгадаг бөгөөд зөрчил илэрсэн тохиолдолд камер нь тэр даруй асаж, зургийг нь авдаг аж.
Дараа нь зөрчил гаргасан жолоочдын зургууд цагдаагийн газар руу илгээгдэж, торгуулийн арга хэмжээ авагдах юм.
Энэхүү дуу чимээний радаруудыг "Bruitparif" мэргэшсэн агентлаг боловсруулжээ. Нэг систем нь 100 миллисекунд тутамд дуу чимээг хэмждэг дөрвөн микрофоноос бүрдэнэ. Микрофонуудын байрлал нь дуу чимээний эх үүсвэрийн байршлыг олж мэдэх, дуу чимээний ул мөрийг илрүүлэх боломжийг олгодог.
Ийм төхөөрөмжүүдийг Франц даяар ашиглахыг зөвшөөрдөггүй боловч Парисын захиргаа энэ намраас хууль эрх зүйн зохицуулалтыг хийж магадгүй байна.