Хятад улс Бээжингийн өмнөд хэсэгт шинэ нисэх онгоцны буудлаа нээхээр бэлтгэлээ базааж байна. Дэлхийд хэмжээгээрээ хоёрт орох энэхүү нисэх буудал нь БНХАУ-ын 70 жилийн ойн өмнө нээлтээ хийж буйгаараа онцлог юм.

Бээжин-Дачингийн олон улсын нисэх онгоцны буудал (PKX) анхны арилжааны нислэгээ 9-р сарын 20-ны өдөр эхлүүлнэ гэж Хятадын төрийн хэвлэл мэдээллийн хэрэгслүүдээр мэдээлж байна.

Түүнчлэн Хятад улс дэлхийн хамгийн том онгоц болох "Airbus A380" онгоцыг нисэх онгоцны буудалдаа байршуулахаар төлөвлөж байна.

Одоогийн Бээжингийн олон улсын нисэх онгоцны буудал (PEK) бүрэн хүчин чадлаар ажиллаж байгаа тул агаарын тээврийн компаниуд хүссэн цагтаа нислэг ийн тоогоо нэмэх боломжгүй болж байгаа юм.

2018 онд Хятадын нисэх онгоцны буудлын гурван терминалаар дамжиж 100 сая гаруй аялагчид зорчсоноор энэ нь Атлантагийн нисэх буудлын дээд амжилтыг давж дэлхийн хоёр дахь нисэх онгоцны буудал болж чаджээ. Тэгвэл Хятад улс 2022 он гэхэд агаарын аялал жуулчлалын зах зээлээр АНУ-ыг гүйцэх төлөвтэй байна.

Талийгаач архитектор Заха Хадид ба түүний хятад түншүүдийн бүтээсэн олон сая долларын үнэтэй тус шинэ буудал нь дөрвөн нислэгийн зурвастай, 97 хөл бөмбөгийн талбайтай тэнцэхүйц хэмжээний терминалтайгаас гадна аялагчдыг нислэгийн мэдээ, нисэх онгоцны буудлын талаарх мэдээллээр хангадаг үйлчлүүлэгчдэд үйлчлэх роботуудтай байх гэнэ.

11.5 тэрбум долларын өртөгтэй энэ төслийн ажил 2014 онд эхэлсэн бөгөөд үүнд 40,000 гаруй ажилчид ажиллаж байна. 

Мөн нисэх буудлын удирдлагууд аюулгүйн шалган нэвтрүүлэх цэгүүд болон хамгийн алслагдсан хаалганы хоорондын зайг 600-650 метрээс хэтрүүлэлгүй байлгаж, үйлчлүүлэгчийг хамгийн ихдээ 8 минут алхдаг байлгахаар төлөвлөж байгаа аж.