Найзууд минь биеэ хайрлацгаая
Cүүлийн хэдэн сарын турш ид хийж бүтээж, өсөн дэвшиж яваа үеийн залуус чинь эдгэшгүй өвчнөөр өвдөөд өнөө маргаашаа хүлээн өрөөлөөс тусламж гуйж байхад та юу бодож байна? Тэдэнд тусламж өгөхөөс илүүтэй тэдний танд өгч байгаа мсж-ийг та ойлгож байгаа юу?
Бид өвдсөнийхөө дараа хэн нэгнээс гуйх биш эрүүл саруул байгаа үедээ эхлээд өөрсдөөсөө гуйдаг баймаар байна! Өөрийгөө хайрлаач ээ гэж !!!
Ядахдаа л зөв хооллож, ажил амралтаа зөв зохицуулж, зөв амьдралын хэв маягтай баймаар байна!
Ядахдаа жилдээ ганцхан удаа өвдсөн хойноо биш өвдөхөөсөө өмнө өөртөө цаг гаргаад бүрэн шинжилгээ өгдөг баймаар байна!
"Өвчин хэлж ирдэггүй хийсэж ирдэг" энэ бол худлаа үг! Өвчин хэлж ирдэг! Та л анзаардаггүй, та л тоодоггүй болохоос!!!
Өөрийгөө өвдсөн хойно нь биш өвдөхөөс нь өмнө урьдчилан сэргийлдэг бай! Үнэтэй машинаа хайрлаад жил бүр оношлуулдаг мөртлөө өөрийгөө, өөрийнхөө эцэг эхийг, үр хүүхдийг нэг ч удаа эмнэлэгт үзүүлж байгаагүй гээд үхэхийнх нь өмнө аваад ирдгээ одоо боль! Эмч болон эмнэлэг зөвхөн өвдсөн хүнд зориулагдаагүй! Урьдчилан сэргийлэх үзлэг гэж зүйл бий! Үүнийг сайн мэдэж ав! Анхаарч ав!
Үгүй бол авто машин шиг жил бүр заавал бүрэн оношилгоонд ор гэж үндсэн хуулинд нь оруулмаар юм! Тэгвэл ядаж торгуулахаас айгаад үзүүлнэ дээ тэ?
Та өөрийгөө хайрлаж байна гэдэг нь гэр бүлийнхээ өмнө хүлээсэн том хариуцлага! Тэр хариуцлагаа эмчээс биш өөрөөсөө нэхэж сур!
Та зөвхөн өөрийгөө хайрлахад л:
• таны үр хүүхэд эрүүл саруул төрж өснө
/эрүүл хүнээс эрүүл хүүхэд л төрнө/
• таны дэргэд байгаа хүмүүс эрүүл саруул байна /таныг дагаад тэд ч бас өөрийгөө хайрлана/
• таны ажил алба ч урагштай байна /гэнэт өвдөж яваад ажил цалгардуулахгүй/
• таны өсөх дэвжих боломж ч нээгдэнэ / яг ид хийж бүтээх насандаа эдгэшгүй өвчин тусчихвал яана/
• таны ирээдүй ч гэрэлтэй байна /гэнэтийн өвчлөл үгүй/
Тиймээс та өөртөө хайртай бай!
Хариуцлагатай бай!
Тэднээс сургамж ав!
Эх сурвалж: Sodtuya Chadraabal