Америкийн шоронгийн системд томоохон муж улстай гэрээ байгуулж ашгийн төлөө шорон эсвэл цагаачдын хорих байр ажиллуулах явдал их байсан. Тэгвэл Калифорни мужийн захирагч Гэвин Ньюом энэ долоо хоногт хувийн компаниуд болон ашгийн төлөө үйл ажиллагаа явуулдаг корпорацуудыг шорон эсвэл цагаачлалын хорих байр ажиллуулахыг хориглох хууль тогтоомжид гарын үсэг зурах төлөвтэй байгааг Ройтерс мэдээллээ.
Хууль санаачлагчдын үзэж буйгаар хувийн шоронгууд нь хувьцаа эзэмшигчдийн ашиг орлогыг л нэмэгдүүлж, хоригдлуудыг хүмүүжүүлэх ажилд анхаардаггүй аж.
АНУ-ын ерөнхий хяналт шалгалтын төрийн департментын 2016 оны тайланд хувийн хорих ангиуд төрийн байгууллагуудтай харьцуулахад аюулгүй байдал, хараа хяналт сул байдаг болохыг дурджээ.
Тус хууль батлагдсанаар Калифорни муж дахь 1400 орчим хүн ял эдэлж буй 3 хувийн шоронгийн гэрээ цуцлагдаж, үйл ажиллагаа нь зогсох ба 4000 хүний багтаамжтай өөр дөрвөн хувийн шоронгийн зөвшөөрөл хүчингүй болох юм.
Калифорни мужийн улсын шоронгууд 126 мянган хүний багтаамжтай байдаг.