Өнөөдөр бид Индра Нойгийн гайхамшигтай түүхээс суралцах болно. Энэтхэгийн хязгаарт төрж өссөн Индра Ной ПЕПСИ корпорацыг 12 жил удирдсанаар нь бид мэднэ.

Пепси бол дэлхийн өнцөг булан бүрт бүтээгдэхүүн нь борлуулагддаг, үндэстэн дамнасан аварга том корпорац билээ. Харин энэ компанийг Энэтхэгт амьдралынхаа ихэнх хугацааг өнгөрүүлсэн, англиар цэвэр ярьж чадахгүй, бор арьстай эмэгтэй удирдсан гайхамшигтай нууцаас суралцъя.

Индра Ной ПЕПСИ корпорацын гүйцэтгэх захирлаар ажиллаж байхдаа жилд дунджаар 17 сая долларын цалин авч байв. Энэ нь төгрөгөөр бол сарын 3,8 тэрбум төгрөгийн цалин гэсэн үг юм.

Мэдээж ПЕПСИгийн захирал болох өрсөлдөөн маш ширүүн байж таарна. Энэтхэгт төрж өссөн, барууны нийгмийн сайн мэдэхгүй, эмэгтэй хүнд энэ ямар хүнд даваа болох нь ойлгомжтой. Тэгэхээр үүнд шийдвэрлэх нөлөө үзүүлсэн сэтгэлзүйн гол хүчин зүйлийг бид тодорхойлж байна.

Индраг жаахан байхад ээж нь орой бүр эгч дүүсийнх нь хамтаар зохион бичлэг бичүүлдэг байжээ. Сэдэв нь "Хэрэв чи ерөнхий сайд, ерөнхийлөгч, банкны захирал байсан бол юу хийх байсан бэ" гэх зэргээр төрөл бүрийн дүр санал болгодог байсан байна. Зохион бичлэг бичсэнийхээ дараа эгч дүүс илтгэл тавьж, ээж нь хамгийн шилдэг илтгэлд нь сонгуульд санал өгч байгаа мэтээр саналаа өгдөг байв.

Энд сэтгэлзүйн үндсэн 2 технологи явагдаж байгааг бид ойлгох хэрэгтэй.

1. Шилэн таазыг үгүй хийх.

Эцэг эхчүүд бид өөрсдөө, мөн хүүхдийг хүрээлэн байгаа орчин нь түүний амбицийг хязгаарлаж байдаг. "Чи чадахгүй", "Ямар их амбицтай юм бэ", "Монгол хүн барахгүй" гэх мэт мессежүүд хүүхдийг ухаан орсон цагаас нь эхлэн бөмбөгдсөнөөр хүүхдийн толгой дээр хиймэл Шилэн Тааз үүсэж байгаа юм. Энэ тааз хүүхдийн мөрөөдөл, зорилгыг хязгаарлаж байдаг гэсэн үг.

Монгол хүн Гүүглийн гүйцэтгэх захирал болж чадах уу, Монголын боловсролын систем дэлхийд тэргүүлж чадах уу, Монгол улс Америкаас илүү өндөр хөгжилтэй болж чадах уу гэвэл өнөөгийн Монголын нийгэм ил, далд, шууд, шууд бус бүхий л утгаар ҮГҮЙ, ҮГҮЙ, ҮГҮЙ гэж хариулна. Ийм шилэн таазыг бидний нийгэм, бид өөрсдөө үр хүүхдэдээ зохиомлоор бий болгож өгч байна.

Гэтэл Индрагийн ээж бүүр бага 4-5 настайгаас нь эхлэн энэхүү шилэн таазыг авч хаяж байна. Мэдээж кастын бурангуй ёсонд суурилдаг Энэтхэгийн нийгэмд, хөдөө нутаг, тэгээд ялангуяа эмэгтэй хүүхдэд ямархуу шилэн тааз бий болдог нь ойлгомжтой. Энэ шилэн таазыг Индрагийн ээж сэтгэлзүйн технологи ашиглаж зад татсан байна. Индраг ямар нэг дээд лимит, дээш тулах таазгүй хүн болгож өсгөсөн байна.

2. Дүрд тоглож сурах.

Би харьцангуй залуугаасаа эхлэн "Хэрэв Монгол банкны ерөнхийлөгч байсан бол энэ нөхцөлд яаж шийдэх байсан бэ" , "Хэрэв ерөнхий сайд би байвал яаж шийдэх байсан бол" гэх мэтээр өөрийгөө тухайн дүрд тоглуулж бодсоор хэвшил болсон.

Ийнхүү өөр дүрүүдэд тогтмол орж тоглож, өөрийгөө тавьж үзсэнээр хүний аливаа юмс үзэгдлийг харах өнцгийн тоо нэмэгдэнэ. Байшинг зөвхөн нүүрнээс нь хараад түүний хэмжээ, дамжаа, хэлбэр дүрсийг тодорхойлж чадахгүй. Яг үүнтэй адил ганцхан БИ гэдэг дүртэй хүн хэзээ ч нийгэмд амжилт олохгүй.
Миний хувьд Монгол банкны ерөнхийлөгчийн дүрд тоглож үзсэнээр жишээлбэл тухайн ажил ямар хүнд хэцүү вэ гэдгийг ойлгох жишээтэй. Ингэснээр хоосон шүүмжлэх, дутуу ойлгох зэрэг олон зүйлсээс зайлсхийж чадна.

Хамгийн чухал нь хэрэв хэзээ нэгэн өдөр тухайн ажлыг хийхэд аль хэдийн сэтгэлзүйн хувьд бэлтгэгдсэн байна гэсэн үг.

Индрагийн ээж охидуудаа олон янзын дүрд тоглуулах замаар удирдагчийн замналд бэлтгэсэн байгааг бид тодорхой харж байна.

За тэгэхээр эцэг эхчүүд, нийт Сэтгэл зүйд суурилсан Боловсролын Реформыг дэмжигчид та бүгд маань....

7 хоног бүр хүүхдүүдээрээ ТОМ дүрд тоглуулсан зохион бичлэг бичүүлэх. Түүнийг нь яриулах. Ингэхдээ огт шүүмжилж хэрэггүй. Хүүхэд чинь бага багаар сайжирна. Таны шүүмжлэл, зөвлөгөөгүй сайжрах болно.

Эхлээд бага багаар ахиулж болно.

Жишээ нь "хэрэв чи ангийн дарга болбол яах вэ" гэсэн зохион бичлэгийг бичүүлж эхэлж болно. Цаашлаад НҮБ-н ерөнхий нарийн бичгийн дарга болбол яах вэ хүртэл явна. Мэдээж 7 хоног өгч байгаа нь хүүхдээр тухайн ажил мэргэжлийг судлуулж (НҮБ-ын  илтгэлийг ютюбээр үзүүлэх мэт) судлаачийн арга барил суулгах хугацаа олгоно.

1 зохион бичлэгийг дор хаяж 3 удаа давтаж бичүүлэх хэрэгтэй шүү. Ингэснээр тухайн хүүхэд тухайн сэдэв дээр хангалттай бодолхийлэх, сэдвийг хүүхдийн далд ухамсарт гүнзгий суулгах нь чухал юм.

Еврей нарыг бут цохиж дэлхийг удирдах Монгол хүүхдүүдийг бэлтгэхийн төлөө зүтгэцгээе.

Өлзийбаярын ГАНЗОРИГ