Азийн олон улсад Хаврын баяр буюу манайхаар Цагаан сарын баярыг өргөн дэлгэр тэмдэглэдэг уламжлалтай. Хятад улсад ч мөн энэ жишгээр Цагаан сарын баярыг жил бүр өргөн тэмдэглэж, хүн бүр эцэг эхдээ золгож халуун ам бүлээрээ цугладаг.
Цагаан сарын өмнө иргэдийн зорчих хөдөлгөөн эрс нэмэгддэг бөгөөд үүнийг Хятад улсад “Хаврын нүүдэл” хэмээн нэрлэдэг юм.
Өнөөдөр энэ жилийн Хаврын нүүдэл албан ёсоор эхэлж байгаа бөгөөд урьдчилсан тооцоогоор энэ жил давтагдах тоогоор 3 тэрбум зорчигч аялах төлөвтэй байгаа юм. Энэ нь өнгөрсөн оныхоос 0.6 хувиар өссөн үзүүлэлт аж. Үүнээс төмөр замаар 440 сая, агаарын тээврээр 78 сая, усан замаар 50 сая хүн зорчино гэсэн тооцоо гарсан байна. Энэ тооцооллоор бол төмөр замын зорчигч 8.3 хувиар, агаарын тээврийнх 12 хувиар өсөх аж.
Ингээд та бүхэнд дэлхийн хамгийн том хүний нүүдлийн тухай баримтуудыг хүргэе.
Галт тэрэг, усан онгоц, нисэх онгоцны бүх буудлуудад ийм дур зураг таныг угтах болно.
1-р сарын 10-аас 2-р сарын 18 хүртэл давтагдсан тоогоор 3 тэрбум хүн аялана.
Үүнтэй харьцуулахад Исламын ариун хот Меккад жил бүр ердөө 2 сая хүн очиж мөргөдөг.
Энэ жил Хятад тооллоор шинийн нэгэн 1-р сарын 25-нд таарч байна.
Хятадын цагаан сар 15 хоног үргэлжилдэг учраас жилийн хамгийн том баярт тооцогддог.
Хятад цагаан сарын гол өнгө нь улаан юм. Улаан нь урт удаан, элбэг дэлбэг амьдралыг бэлгэддэг аж.
Зарим тохиолдолд зайлшгүй ажилтай хүмүүс гэртээ үлдэж, үр хүүхдээ хамаатнуудтай нь золгуулахаар явуулдаг.
Хэдийгээр салют нь цагаан сарын салшгүй нэг хэсэг боловч удаа дараа осол гарсны улмаас түүний хэрэглээг бууруулах болжээ. 2019 онд л гэхэд 444 хот салют буудуулахыг хориглосон байна.
Олон нийтийн тээврийн ажилчид цагаан саарын нүүдэлд нэг сарын өмнөөс бэлдэж эхэлдэг.
Энэ жил шинийн нэгэн оюутнуудын амралттай таарч байгаа учраас ачаалал сүүлийн 8 жилд байгаагүйгээр нэмэгджээ.
Энэ жилийн хамгийн их ачаалалтай өдрүүд нь 1-р сарын 20, 22-нд таарч байна.
Хятадын хүн амын 20 хувь нь хөдөөнөөс хотод ирж ажилладаг бөгөөд бүгд цагаан сарын үеэр нутаг буцдаг.
Зорчигчдод үйлчилдэг галт тэрэгнүүдийн дундаж хурд нь 358 км/ц юм.
Хэдий ачаалал ихтэй ч нийтийн тээврийн ажилчид бүх зүйлд мэргэжлийн үүднээс ханддаг байна.
Энэ жил нийт 440 сая хүн галт тэргээр зорих төлөвтэй байна. Өнгөрсөн онд Хятадын засгийн газар нийт 5,275 төмөр зам шинээр тавьжээ.
Энэ жил хөдөөнөөс хот руу зорчих тасалбар огцом хямдарсан. Ингэснээр хотоос хөдөө рүү явж байгаа хүмүүсийн тоог буруулна гэж Хятадын засгийн газар үзсэн байна.
Гэхдээ хамгийн өндөр ачаалал нь машины зам дээр үүсдэг. Энэ жил давхардсан тоогоор 2.43 тэрбум иргэд машинаар зорчих төлөвтэй гэсэн тооцоо гарчээ.
Зарим хүмүүс гэртээ эрт харихын тулд өдрийн өмнөөс дугаарлаж эхэлдэг.
Зарим тохиолдолд байгалийн нөлөөгөөр зам саатахад хүрдэг. 2016 онд хэт хүйтэрснээс болоод 100 мянган иргэн галт тэрэгний буудал дээр гацаж байжээ.
Хонконгчууд цагаан сарыг үл анзааран тэмцлээ үргэлжлүүлж байна.
Ихэнх Хятад иргэдийн хувьд цагаан сар нь жилийн хамгийн сайхан баярт тооцогддог гэнэ.
