Өндөр технологийн компаниуд байгалийн гаралтай түүхий эд ашиглан байгаль экологид ээлтэй бүтээгдэхүүн хийх нь улам бүр их болж байна.

Google-ийн охин компани болох Alphabet-ийн бүрэлдэхүүнд багтах Sidewalk Labs-ын мэргэжилтнүүд байгалийн гаралтай эд материалаар барилгын материал хийж, барилга барих чиглэлээр ажиллаж эхэлсэн ба 2019 оны зун модоор босгох өндөр барилгын зураг төслөө танилцуулжээ. Alphabet нийт 900 сая долларыг Торонто хотын нэгэн хороолол барихад зориулах ба тэнд баригдах барилгууд нь дээр дурдсан модон материалаас бүтэх юм байна.

Шинэ хороолол нь тусгай аргаар боловсруулсан модон материалаар баригдах ба энэ нь модыг  хатааж даралтад оруулсан,галд тэсвэртэй болгосон түүхий эд юм. Сонирхолтой нь ийм модон материалаар өндөр барилга барьж болох ажээ. Sidewalk Labs нь Ванкуверт энэ төслөөр хоёр ч өндөр байшин барьсан ба өндөр нь 18 давхар юм.

Sidewalk Labs-ийн мэргэжилтнүүд нь модон өндөр барилга барих нь эдийн засгийн хувьд илүү хэмнэлттэй, зай бага эзлэх давуу талуудтай гэж үздэг ба бас илүү бат бэх, удаан жилийн настай, галд тэсвэртэй гээд олон чухал чанар бий гэдгийг сануулж байна. Мөн ийм барилга барихад зарцуулах хугацаа нь жирийн барилгаас 35% хурдан бөгөөд хамгийн гол давуу тал нь экологийн цэвэр байдал билээ.

Introducing Sidewalk Toronto

Энэ бүхний үр дүнд Sidewalk Labs-ийн төслөөр барих барилга 40% хямд байх бололтой. Торонтод барих хороолол нь оффисын барилга, худалдааны болон сумермаркет төвүүд байх бөгөөд 2500 хүнийг ажлын байраар хангах юм. Төслийг 2026 онд дуусгахаар төлөвлөж байна.