Дулаарч эхлэхээр коронавирусийн тархалт буурна гэсэн таамаг дээрх эрдэмтдийн байр суурь
Өвлийн хүйтэн улирал дуусаж хавар цаг эхэлж байгаа учраас коронавирусийн тархалт буурах болно гэж зарим хүмүүс хүлээж, найдаж байгаа бололтой. Гэхдээ энэ нь хэр үнэн зүйл бол? Анагаах ухааны мэргэжлийн хүмүүс энэ талаар юу бодож, хэлж байгааг сонирхоё.
Коронавирусыг улирлын чанартай өвчин гэж тооцож болох уу?
Одоо дэлхий дахинаар хэрэн хэсэж буй энэ вирус нь цаг агаараас ямар нэг хэмжээгээр хамааралтай болохыг эрдэмтэд тогтоосон гэнэ. Тийм учраас агаар дуслын замаар халдварлах энэ өвчнийг зарим талаар улирлын шинж чанартай өвчний нэг гэж хэлж болохоор байгаа юм байна.
Нарны илч нь коронавируст хэрхэн нөлөөлөх талаар
Коронавирус болон хүний дархлаа энэ вируст хэрхэн үйлчилж байгаа талаар судалгаа хийж байгаа эрдэмтэд нь цаг агаар дулаарах үед вирусийн идэвхтэй чанар тодорхой хэмжээгээр буурна гэж үзэж байгаа юм. Гэхдээ энэ нь тайвшрах зүйл огт биш бөгөөд одоогоор коронавирустай холбоотой аливаа зүйлийг урьдчилан таамаглахад хэцүү учраас байдал цаашдаа өөрчлөгдөж болох тухай хэд хэдэн хувилбар байгаа билээ.
Зарим эрдэмтэд нь энэ халдварын ихээр тархаж байгаагийн шалтгааныг нь хүнд ийм вирусийн эсрэг ямар ч дархлаа байхгүй, урьд өмнө хүн төрөлхтөн иймэрхүү өвчнөөр өвчилж байгаагүй учраас гэж тайлбарлаж байгаа билээ. Магадгүй халуун дулаан улирлын үеэр энэ вирус нь хүний биед мөн л халдан тархах боловч илрэх ямар нэг шинж тэмдэггүй байсаар гэнэт дахин гарч ирэхийг ч үгүйсгэж болохгүй юм.
Коронавирусын тархалт нь дулааны улирал эхлэхэд эрч хүчээ алдана гэдэг таамаглалыг зарим мэргэжилтнүүд хоосон яриа гэж үзэж байгаа ба учир нь короновирус нь ихээхэн дулаахан газар болох Ухань хотоос (тэр үед цаг агаарын дундаж хэмжээ +10 хэм орчим байсан) тархаж эхэлсэн гэдгээр үүнийгээ батлан байна. Тийм учраас энэ вирус нь халуун дулааныг үл тоодог буюу тийм нөхцөл байдал нь вирусийн хувьд таатай орчин байх бололтой. Тэгэхээр халуун дулаанд нэг их найдах хэрэггүй мэт.
Яагаад эрдэмтэд коронавирус өвлийн цагт хамгийн их аюултай гэж үзэж байна вэ?
Гэхдээ халуун дулаан улирал эхэлснээр хүмүүс эрүүл агаарт их цаг өнгөрүүлэх болно. Ингэснээр халдвар тархах нэг нөхцөлийг үгүй болгож байгаа төдийгүй хүмүүс эрүүл агаарын хүчээр дархлаагаа улам бэхжүүлэх билээ.
Мөн агаар халах тусам чийг нь багасаж эхлэх бөгөөд вирусийн хувьд хамгийн таатай орчин нь чийг байдаг билээ.
Уучлаарай энэ мэдээнд oдоогоор
сэтгэгдэл бичих боломжгүй байна.