Япон улс Хятад дахь үйлдвэрүүдээ шилжүүлж авахад 2 тэрбум ам.доллар зарцуулна
Япон улс өөрийн том компаниудын үйлдвэрлэлийг Хятадаас гаргахад нь тусламж болгон 2,2 тэрбум долларын дэмжлэг үзүүлэхээр болсон тухай Bloomberg мэдээлж байна. Япон улс өөрийн том компаниудын үйлдвэрлэлийг Хятадаас гаргахад нь тусламж болгон 2.2 тэрбум долларын дэмжлэг үзүүлэхээр болсон тухай Bloomberg мэдээлж байна.
Коронавирусын тархалтаас болж үйлдвэрлэлийн гинжин холбоо тасалдсан учир ийм байдлыг засахын тулд уг шийдвэрийг гаргажээ.
Энэ мөнгөний бараг 2 тэрбумыг нь Хятадаас Япон руу үйлдвэрлэлийн хүч чадлаа шилжүүлэхэд зориулах бол үлдсэн хэсгийг нь өөр бусад улсад буй компаниудад олгож, тэдгээр нь мөн үйл ажиллагаа Японд үргэлжлүүлэхэд нь тус болох төлөвлөгөөтэй юм.
Хятад улс нь Японы худалдааны хамгийн том хамтрагч байсан боловч хоёрдугаар сараас хойш энэ хоёр улсын хооронд хийдэг худалдааны эргэлт нь бараг хоёр дахин буурсан байна. Хятадад тахлын улмаас олон үйлдвэр хаагдсан учир Японы томоохон үйлдвэрлэгч нарт ч бас бүтээгдэхүүн үйлдвэрлэх, эд анги, сэлбэг хэрэгсэл дутагдах зэрэг бэрхшээлүүд бий болсон байна.
Энэ бүхний дараа Япон улс нь гаднын улс орны нөхцөл байдлаас үл шалтгаалдаг, бие даасан үйлдвэрлэл эрхэлж байх талаар арга хэмжээ авч эхэлсэн ба өнгөрсөн сард засгийн газрын хөрөнгө оруулалт хариуцсан комисс нь Өмнөд Азийн нутгаар тарсан, нэмүү өртөг бүхий бүтээгдэхүүн үйлдвэрлэдэг олон үйлдвэрлэлийг Японд буцаан авчрах шаардлагатай тухай ярилцлага хийсэн байна.
Японы эдийн засагчдын үзэж байгаагаар бол Хятад дахь Японы зарим компаниуд энэ улсаас гарах талаар эртнээс бодож эхэлсэн бөгөөд засгийн газраас иймэрхүү санхүүгийн дэмжлэг үзүүлэхээр болсон нь тэднийг илүү шийдэмгий болоход нь туслах ёстой юм. Харин Хятад улсад зориулсан бүтээгдэхүүн хийж байгаа автомашины үйлдвэр зэрэг нь энэ улсыг орхиж явахгүй болов уу хэмээн экспертүүд үзэж байгаа билээ.
