АНУ-ын халдварт өвчний хяналт, сэргийлэлтийн төвөөс(CDC) коронавирусийн тархалтыг саатуулахын үүднээс амны хаалт зүүхийг зөвлөсөн боловч Трамп албан ёсны яриа хэлэлцээртээ маск зүүхгүй хэвээрээ байгаа. Энэ пүрэв гарагт Трамп Пеннсилвани мужид байрлах эмнэлгийн хэрэгсэл нийлүүлэгч “Owens and Miner” компанид хийсэн айлчлалдаа маскгүй байсан байна.
Ялангуяа цагаан ордонд коронавирусийн тохиолдол илрэн цагаан ордны албан хаагчид тусгаарлалтанд ороод байгаа нь цагаан ордонд маск зүүх үүрэгтэй болгоод байгаа юм.
Америкийн нийтийн радио NPR-аас маск зүүх нь улс төрийн “туйлшралын бэлгэ тэмдэг” болоод байна хэмээжээ. Маск зүүвэл энэхүү вирус болон тусгаарлалтыг нухацтай хүлээж авч байгааг, зүүхгүй байвал вирусийг үгүйсгэх эсвэл “тэмцэх ёстой вирус” хэмээн хүлээж авч байгааг илэрхийлж байна хэмээжээ.
NPR-аас Трамп албан ёсны үйл ажиллагаандаа маскаас татгалзаж байгаа шалтгаан нь вирусэд ялагдахгүй гэсэн эерэг үзэл бодлоо харуулах зорилготой гэж үзсэн байна. Цагаан ордноосоо гарч ирэхгүй байх эсвэл амны хаалт зүүсэн байвал Америкийн нийгэм коронавирусаас эмээж байгаагаар хүлээн авч магадгүй гэсэн таамаглалтай байна.
1977 онд Жими Картер ерөнхийлөгч цагаан ордонд ороод 2 долоо хоногийн дотор Америк даяар телевизээр эрчим хүчний тухай яриа хийж байсан боловч иргэдэд ноосон цамц өмсөөд зуухны урд сууж байгаа дүр төрх л иргэдэд тод үлдэж байсан.
Үүнтэй адил дүр төрх нь хүний сэтгэхүйд удаан үлддэг учир ямар нэгэн жижиг үйлдэл улс төрийн утга санаа агуулах тохиолдол байдаг. Үүнд Трамп вирусийн эсрэг тэмцэж байгаагаа илэрхийлэх төлөвлөгөөтэй байсан гэж үзэж болно. Түүнчлэн эртнээс эдийн засгийн нөхцөл байдлаа сэргээхийг хүссэн тул илүүтэйгээр маск зүүж албан ёсны ярианд оролцохыг хүсээгүй байх тухай таамаглалтай байгаа юм.
Өнөөгийн байдлаар коронавирусийн тархалтын улмаас ажилгүйдлийн тэтгэмжийн нэхэмжлэлийн тоо 36 сая хүрээд байгаа нь Америкийн эдийн засагт тус вирус томоохон цохилт болоод байгааг харуулж байгаа юм. Ийнхүү эдийн засгийн нөхцөл байдал муудах нь Трампын дахин сонгуульд ялах магадлалыг бууруулж байгаа тул тэрээр эдийн засгийн нөхцөл байдлыг эртнээс сайжруулахыг зориод байгаа билээ.
Гэвч АНУ-д коронавирусийн тохиолдол нь нэг сая 450 мянга давж, эндэгдэл нь 80 мянга хүрээд байгаад энэхүү эдийн засгийг сэргээх арга хэмжээнд санаа зовж буй эмнэлгийн байгууллагын албан хаагчид ихсээд байгаа юм. АНУ-ын төлөөлөгчдийн танхимын дарга Нанси Пелоси “Ерөнхийлөгч үлгэр жишээ болж маск зүүх шаардлагатай” хэмээн өнгөрсөн сар Трампыг албан ёсоор шүүмжилж байсан аж.
Эх сурвалж: YTN
