Харин өмнө долоо хоногт Сөүл хотын Итэвонд байрлах шөнийн цэнгээний газар орсон эрэгтэйгээс коронавирус илэрсэн нь олон нийтийн анхаарлыг татаад байна.

Энэ сарын 2-н болон 3-нд энэхүү шөнийн цэнгээний газарт очсон 25 настай сургалтын төвийн эрэгтэй багшаас коронавирус илэрсэн байна. Энэхүү иргэний хавьтагч нар дунд давтлагад сууж байсан 13 настай эрэгтэй, эмэгтэй хоёр ихэр хүүхэд болон тэдний ээж 46 настай эмэгтэйгээс коронавирус илэрсэн байна. Мөн сургалтын төвд нь сууж байсан 3-н эрэгтэй болон 5 эмэгтэйгээс коронавирус илэрчээ. Түүнчлэн түүний суусан таксины жолооч болох 66 настай иргэнээс коронавирус илэрсэн байна.

3 дугаар зэргийн хавьтагчаар 13 настай хоёр ихрийн өөр нэгэн давтлагын багш болох 34 настай эмэгтэй болон тэдний найз 10 настай эмэгтэй хүүхдээс илэрсэн байна. Мөн сургалтын төвд байсан нэг иргэн ээж болон хоёр найздаа халдварлуулсан байна. Мөн такси жолоодож байсан эрэгтэй 67 настай эхнэр болон таксинд суусан өөр хоёр иргэнд халдварлуулжээ.

Ингээд зогсохгүй 4 дүгээр зэргийн хавьтагчаар нэмээд хоёр иргэн халдвар авсан бөгөөд тэдний нэг нь 4 настай эрэгтэй хүүхэд байсан байна.

Энэхүү халдварын төв болоод буй сургалтын төвийн багш нь коронавирусийн эерэг хариу авснаас хойш анхан шатны хавьтагч нарын судалгаанд мэргэжилгүй хэмээн хуурсан байна. Инчон хотын захиргаанаас түүнийг халдварт өвчнөөс урьдчилан сэргийлэх мөн хянах тухай хуулийг зөрчсөнтэй холбогдуулан цагдаагийн байгууллагад өгсөн байна.

Олон мэдээллийн хэрэгслээр ижил хүйстнүүдийн шөнийн цэнгээний газар хэмээн онцлон дурдсан бөгөөд ялгаварлан гадуурхсан байр суурьтай хүмүүс олноороо гарч ирээд байгаа билээ. Халдварт өвчний үед ариун цэврээ хангаагүйгээс гадна ижил хүйстэн гэдэг утгаар нь шүүмжлэх нь ч олон байсан. БНСУ-ын халдварт өвчний хяналтын төвөөс хувийн бэлгийн сонирхлоор нь гадуурхсанаар тестэд хамрагдахаас татгалзах тохиолдол олон гарах бөгөөд ижил хүйстэн гэж бодохоос айх хүмүүс гарч болно хэмээсэн байна. Ингэж бэлгийн чиг хандлагаар дайрах нь коронавирусын тархалтыг хяналтандаа оруулахад сөрөг нөлөө үзүүлэн хэмээн байр сууриа илэрхийлсэн байна.

Эх сурвалж: BBC