Коронавирусын аппликэйшнээр дамжуулан Хятад улс иргэдээ хэр их идэж, ууж, унтдагийг хянадаг болгож магадгүй
Хятад улсын коронавирусын тархалтыг хянах аппликэйшнийг байнгын хэрэглэхээр санал болгосон ба нэмэлтээр эрх баригчдыг иргэдээ хэр их ууж, идэж, тамхи татаж, дасгал хөдөлгөөн хийдгийг хянах аппликэшин болгох санал тавьсан байна. Мөн хүмүүсийг олон нийтийн газарт орох, нийтийн тээвэр ашиглах зөвшөөрөл олгоход ашиглах юм.
Одоогийн апп нь "Wechat" болон "Alipay" дээр суурилсан хоёр дугаар сард гарсан програм ба хүн бүр татаж авах ёстой юм. Програмд орохдоо хэд хэдэн эрүүл мэндийн болон хаагуур зорчсон гэх мэт асуултуудыг бөглөнө. Ингэснээр улаан, шар, ногоон өнгийн үнэлгээг өгөх ба тэр үнэлгээгээр хаагуур явж болох, гэрээсээ гарж болох эсэхийг хэлж өгнө. Энэ санаачлагыг Ханжоу хот анх гаргасан.
Апп-ийг хэрэглэж буй Ухань хотын оршин суугчийн бичлэг
Track & Trace! How do they do they do it in Wuhan?
— WuhanLaowai8 (@WLaowai8) May 17, 2020
Let’s get this video viral! Retweet #staysafe #trackandtrace #COVID #Covid19testing pic.twitter.com/MLZRL0IjY6
Хятад даяар сарын дотор л гэхэд 200 хот хэрэглэх болсон ба энэ нь зөвхөн халдвар аваагүй хүмүүс гадуур явж байгаа эсэхийг нягтлах арга хэмжээ юм. Одоогийн байдлаар энэ аппликэйшин нэг тэрбум удаа татагдсан бөгөөд хэрэглэгчдийн кодыг 9 тэрбум удаа уншуулсан гэсэн мэдээг "Wechat" аппликэйшнийг бүтээсэн "Tencent" компани нийтэлжээ. Нью Йорк Таймсын шалгалтаар энэ апп-р цуглуулсан мэдээллүүдийг хэрэглэгчдийн зөвшөөрөлгүйгээр тухайн газрын цагдаагийн газар хэрэглэж байгааг тогтоожээ.
Одоогийн байдлаар дэлгүүр орох, нийтийн тээвэрт суух болгондоо аппликэйшнээр QR код уншуулан, халуунаа үзүүлсний дараа нэвтрэх эрхтэй болж байгаа юм.
Нэмэлт хяналтын аппликэйшний санааг мөн Ханжоу хот санал гаргасан ба олон нийтийн газруудад ороход зөвшөөрөл олгох 0-100 хүртэлх үнэлгээг өгөх юм.
Нийтийн тээвэрт суухдаа QR код уншуулж буй Хятад улсын иргэн
Энэ саналыг өмнөх долоо хоногт эрх баригчид гаргасны дараа иргэдийн онлайн болон оффлайн үйл ажиллагааг аль хэдийн нарийн хянадаг Бээжингийн хяналтын системийн нэг хэсэг болно гэж иргэд шүүмжилж байна.
Ханжоу хотын Эрүүл мэндийн Хорооны мэргэжилтнүүд аппликэйшний зориулалтыг өөрчлөн иргэдээ байнгын хянах арга болгоно гэж хүмүүс сэрдэж байгаа аж.
Интернетэд тавигдсан зургуудаас үзэхэд шинэчлэгдсэн апп нь өвчний түүх, эрүүл мэндийн шинжэлгээ болон амьдралын дадлыг нь тооцоолон өнгөөр кодлогдсон үнэлэмж оноог өгөх юм. Амьдралын дадалд нь дасгал хөдөлгөөн, архи, тамхины хэрэглээ болон нойр орж байгаа юм. Одоогоор эдгээр мэдээллийг хэрхэн цуглуулах бас заавал татах ёстой эсэх нь тодорхойгүй байна.
Ямар ч байсан Ханжоу хотын иргэд энэ саналыг таатайгаар хүлээж авсангүй.
Эх сурвалж: Vice
