Түүхэндээ хөрш улсууд бие биенийхээ уламжлалаас зээлдэх, өөрийн соёлоо танилцуулан шинж чанарын дүрмийг хуулбарлаж эхэлсэн олон баримтууд бий. Гэр орны хэрэгсэл, хоолны найрлага, хувцас, сүмийн архитектор болон үгнүүдээс хүртэл энэ нь анзаарагддаг. Хэрэв тодорхой нэгэн дүрэм зүй зохистой байвал тэр нь улсаас улсад дамждаг. Тэр тусмаа ариун цэврийн ойлголт үүнд хамаарна.

Соёлын нүүдэл

В.Долговын бичсэн "Эртний Оросын нууц амьдрал. Амьдрал, зан төлөв, хайр" номд соёлын харилцан холбоог нарийн тайлбарласан байдаг. 13-16 зууны Оросууд бусад улсын хамгийн сайн гэсэн бүхэнд нээлттэй ханддаг байсан юм. Жишээлбэл Монгол гаралтай үгс элбэг байдаг бөгөөд дорнын хээнүүд Үнэн алдартны шашны сүмийн гадна талд түгээмэл харагддаг. Монголын эзэнт гүрнээс ирсэн бараа таваарыг Оросын гар урлал дуурайсан гэж түүхчид таамагладаг.

Түүнчлэн хувцаслалт нь Ази нөлөөтэйгөөр өөрчлөгдсөн. Алдарт Мономах малгай дорнын малгайтай төстэй бөгөөд Монголчуудынхтай адил босоо малгайнууд сүүлд гарч ирэх болсон.

Ариун цэвэр болон амьдрал

14-р зууны Азов хотын иргэн хэрэглэж байсан эртний шүдний сойз олдсон нь онцгой нээлт байсан юм. Сүүлийн үеийн шүдний сойзны бүтэцтэй төстэй модон ишэнд ширүүн үс зоосон энэхүү олдвор нь 500 гаруй жилийн настай гэж үзэж байна. Энэхүү эд зүйлсийг олон хүн Хятадад 15-р зуунаас хойш орж гарч ирсэн гэж үздэг хэмээн Азов Музейн Архелогийн Салбарын дарга А. Масловски хэлжээ. Гэвч Монгол болон Монголын эзэнт гүрний газар нутгаас 10-р зуунд хэрэглэж байсан шүдний сойзнууд олдож байсан. Оросууд хүртэл энэ дадлыг дуурайсан байж болох магадлалтай.

Өөр нэгэн ариутгалын зан үйл нь хүнийг болон өрөөг утаагаар утах байсан юм. Хүмүүс хувцас болон орон гэрээ цэвэрлэн ариутгах, мөн Азиудын хэлдгээр "муу сүнснүүдээс" өөрийгөө хамгаалахын тул утаагаар утдаг байж. Хаантай уулзахын тулд төлөөлөгч нь утаа суунагласан хоёр түүдэг галын голоор гарах ёстой байдаг байсан. Энийг нь мухар сүсэг гэж үзсэн Оросын хан хүү нар хүртэл аюулгүй байдлын арга хэмжээг дагаагүй хэмээн шийтгүүлж байжээ. Өнөөгийн уламжлалт эмчилгээний аргууд дунд эмийн ургамлуудаар утах арга байдаг нь сонирхолтой.

Эх сурвалж: cyrillitsa.ru