Уугуул Америкчуудын өвөг дээдсийг 14 мянган жилийн өмнө Байгал нуураас ирсэн гэж эрдэмтэд нотлов
Москвагийн Улсын Их Сургуулийн эрдэм шинжилгээний хүрээлэн болон антропологийн музейн эрдэмтэд гадаадын хамтран ажиллагсдын хамт уугуул Америкчуудын хамгийн ойрын хамаатан саданг тогтоосон ба энэ нь 14 жилийн өмнө Байгал нуурын орчимд амьдарч байсан нэгэн эр юм. Энэ талаар "Cell" сэтгүүлд нийтлэгдсэн байна.
1970-аад онд Буриадын газар нутгаас зөвлөлтийн археологичдын олсон хүний шүдний ДНХ-г эрдэмтэд судалжээ. Шүднээс гадна багаж хэрэгсэл, керамик эдлэл, буга, загасны яс зэрэг нь Байгал нуурын өмнөд эрэг болон Монголын хил хооронд орших Уст-Хиагт суурин газраас олджээ. Энэ нь хэдэн арван жилийн цуглуулгатай шүүгээнд байсан бөгөөд саяхан л эртний ДНХ судлалын мэргэжилтнүүдийн анхаарлыг татсан байна.
Геномын харуулснаар уг шүд нь өнөөгийн уугуул Америкчуудтай адил бөгөөд Зүүн Ази, Еврази гаралтай 14 мянган жилийн өмнө амьдарч байсан эрийнх аж. Түүний насыг радио нүүрстөрөгчийн шинжилгээ болон хажуугаас нь олдсон нүүрсний тусламжтай тогтоосон. Энэ нь тэрхүү эрийг Америкийн газар нутгаас гадна олдсон уугуул Америкчуудын хамгийн эртний ойрын өвөг дээдэс болгож байна.
1976 оны Сэлэнгийн баруун эрэг дээрх Уст-Хиагт-3 талбайн малтлага. Зураг: A.P. Окладник
"Өмнө нь хийж байсан Сибирийн хүн амын судалгаагаар энэ нутгийн уугуул иргэд Америкийн уугуул оршин суугчидтай антропологийн ижил төстэй байдгийг тогтоожээ. Молекулын генетикийг эртнээс ашиглаж ирсэн Оросын академич генетикийн харилцаа, эдгээр хүн амын нийтлэг биологийн түүхийг санал болгож байсан байна. Генетикийн шинжилгээний орчин үеийн аргыг ашиглах нь энэхүү таамгийг зөв болохыг харуулж байна.
Бидний судалгааны үр дүн нь Сибирь, Америкийн ард түмний анхны өвөг дээдсийн түүхэн онолыг харуулсан болно. Шинжилгээнд зориулж 14,000 жилийн настай Уст-Хиагт-3 агуйгаас олдсон хүний шүдийг ашигласан нь хоёр тивийн эртний хүн амын генетикийн ижил төстэй байдлыг нотолж байна" гэж Д.Н. Анучины нэрэмжит антропологийн музей, Москвагийн Улсын Их Сургуулийн судалгааны хүрээлэнгийн захирал Александр Бужилов хэлсэн байна.
Түүнчлэн шинэ судалгаагаар Хойд Америкийн уугуул иргэдийн Сибирийн өвөг дээдэс урьд өмнө бодож байснаас илүү хөдөлгөөнтэй байсныг харуулж байна. Олдсон шүдний эзэн нь Берингиа хотоос 4500 км зайтай амьдардаг байсан бөгөөд энэ нь Сибирийн зүүн хойд нутгаас олдсон эмэгтэйгээс бараг 3200 км зайтай юм. Уг эмэгтэйн ген өнөөгийн уугуул Америкчуудын генийн гуравны хоёртой тэнцүү байжээ. Тиймээс орчин үеийн индианчуудын өвөг дээдсийн хүн ам Евразийн зүүн хойд хэсэгт асар том газар нутгийг эзэлж байсан гэж таамаглаж болно.
Мөн судалгааны явцад олдсон нэмэлт мэдээллээр Байгал нуурын орчмын хүмүүс 1000 жилийн туршид шилжин суурьшиж бусад хүн амтай харилцан амьдарч байсан байна.
Байгал нуурын одоогийн оршин суугчид генетикийн хувьд тэрхүү эртний хүн амтай бараг ямар ч холбоогүй гэдгийг тэмдэглэх нь зүйтэй бөгөөд энэ нь 10,000 жилийн өмнө зүүн хойд Азиас шилжин ирэгсэдтэй холбоотой юм.
Эх сурвалж: zen.yandex.ru
