Их муу хүмүүсийг, дийлддэггүй дайснуудыг яг сонгуулийн өмнө бариад шоронд хийхээр л бид нар их баярлаад, зоригтой шудрагыг нь гайхах юм байна тийм үү ? Та нарынхаар бол бид нар тэнэг загаснууд юм уу ? Өмнө нь яагаад тэгээд гэм бурууг нь тогтоогоод бариад хорьчихоогүй юм бэ ? Яагаад бидний сонгох эрхийг зөрчиж байгаа юм ? Би жишээ нь ХУД-н иргэн. Номтойбаяр гэдэг хүн манай тойргоос нэр дэвшиж байгаа.

Мөрийн хөтөлбөр, асуудлаа ярих нэг ч уулзалт болсонгүй. Би сонгогчийн хувьд дэвшиж байгаа хүний уулзалтанд нь очиж мэдээлэл авч, харьцуулж дэнслэх эрхтэй. Би аавыг нь сонсоод яахын ? Цаашлаад энэ бол Дархан Сэлэнгийн сонгогчдын эрхийг зөрчиж байна. Сэлэнгэд бүр нэг намын 2 хүнийг нь барьж аваад хорьчихлоо. Яаж тэнд тэнцвэртэй сонгууль болох юм ? Төрийн эрхийг хүчээр авах гэсэн оролдлого хийж байна.

Тэгвэл анхнаасаа ийм гэмт хэрэгтэн муу хүмүүсийг, нэр дэвшүүлэхгүй байх нь яасын ? Хууль журмаараа бүх аудит энэ тэрээр нь ороод дэвшсэн биз дээ ? Ийм дарангуйлал үйлдэж, бидний эрхийг зөрчиж байгаа хүмүүс засаг авчихвал Монгол улс маань улам л барьж хорьдог боодог боомилдог загнадаг болох нь. Өнөөдөр бас хөл хориог сунгачихлаа. Та нарын сонгууль хийж байгаа байдлыг харахад хөл хорио бол утгагүй болчихсон нээрээ шүү. Нэг тийм айдсаар, хориогоор барьж байгаад хүчээр ялах гэсэн улайрал харагдаад байна.

Чамд таалагдах үгүйгээс үл хамаараад, чиний дургүй хүнийг барьж аваад шоронд хийсэн байсан ч энэ арга зам нь өөрөө шударга ёсыг зөрчсөн бол чи чимээгүй өнгөрч болохгүй. Учир нь маргааш чиний аавыг, чамайг хэлмэгдүүлэх үед хэн ч чиний төлөө дуугарахгүй айж бэмбэгнэсэн нийгэм бий болох болно.

ШУУД ДАРАНГУЙЛЛЫН ЗАСАГ МЭДРЭГДЭЖ БАЙНА ШҮҮ !
Монгол улсын иргэн сонгох, сонгогдох эрхтэй ... /Үндсэн хууль/

Ч.Ганжавхлан