Ажил бүхэн л хамтран ажиллагсдынхаа итгэл, харилцаа, хамтын ажиллагаан дээр бүрддэг, гэхдээ заавал нүүр нүүрээ харж уулзах хэрэгтэй гэж үү?
Коронавирусын цар тахлын дэгдэлтийн улмаас хөл хорио тогтоосноос маш олон хүн ажиллах нөхцөлөө өөрчилж, гэрээсээ ажиллах болсон билээ.
Эдгээр хүмүүсийн нэг Доугал Шау бид өмнө нь нүүр нүүрээ харж ажлаа хийдэг байсан, мэдээж чухал хэрэг гэхдээ сүүлийн үед ажилчид гэрээсээ ажиллаж байгаа нь илүү амжилт үзүүлж байна гэж мэдэгджээ.
Шермеена үйлчлүүлэгчиддээ хичээлийг нь онлайнаар өгч байна
Эссекс хотод амьдардаг Шермеена Раббай гэх 39 настай эмэгтэй, хэл ярианы согог засах эмчилгээний эмч бөгөөд 25 эмч бүхий багийнхаа хамтаар хэл ярианы бэрхшээлтэй иргэдэд туслах үйлчилгээ үзүүлдэг байна. Түүний үйлчлүүлэгчдийн ихэнхи нь Дауны синдром болон Аутизмын өвчтэй хүүхэд бүхий гэр бүлүүд байдаг байна.
Хэвийн үед тэд клиникүүдэд болон Лондонд байрлах сургуулиудаар очиж үйлчилгээгээ үзүүлдэг байна, харин хөл хорио эхэлсэн үеэс эхлэн тэд видео дуудлагаар гэрээсээ үйлчлүүлэгчидтэйгээ холбогдон ажиллаж эхэлсэн байна.
Шермеена: Бидний ажлын шаардлагаар ихэвчлэн хүүхдүүдтэй ажилладаг, тиймээс хувийн харилцаа үүсгэж, нүүр нүүрээ харж, тоглох, танин мэдэхүйн үйл явцад нь тулгуурлаж эмчилгээ явагддаг. Бид эхэндээ энэ үнэхээр бүтэх болов уу гэж их эргэлзэж байсан шүү, гэж хэлжээ.
Тэдний эмчилгээний аргачлал нь үйлчлүүлэгчиддээ үгийг зөв дуудах, тоглоом ашиглаж ярилцах, дүрс тэмдэг болон номын тухай ярилцах аргачлал дээр үндэслэдэг байна. Гэсэн хэдий ч эмчилгээг өөрийн биеэр хамт байж хийж чадахгүй болсон тул тэд уг үүргийг эцэг эхчүүдэд нь даатгаж, өөрсдөө зааварчлах байдлаар ажиллаж эхэлсэн байна.
Үнэн хэрэгтээ энэ арга маш өгөөжтэй байсан шүү. Бас орчин үед бага насны хүүхдүүд өдөрт тодорхой цагийг ухаалаг төхөөрөмжүүд ашигладаг учраас тийм ч муу үр нөлөө байхгүй болов уу гэж тэр нэмж хэлсэн юм. Үүнээс гадна эцэг эхчүүд нь гэртээ хүүхдүүдтэйгээ хамт байж, өөрсдөө зааж сургаж байгаа нь ч маш сайхан санагдаж байна гэжээ.
Анна Вүүд удахгүй гэрлэх гэж буй сүйт бүсгүйн даашинзыг сонгож байна
Харин удаах хүн бол Нордхэмптоншаер-н Лонг Бакби хотод амьдардаг хуримийн даашинз урлаач Анна Вүүд юм.
Тэрээр өмнө нь олон удаа цахимаар үйлчилгээ үзүүлэхийг оролдож байсан бөгөөд үргэлж л өөрийн гэсэн бизнестэй болохыг мөрөөдөж байсан юм. Тэрээр гэрлэхээр болсон учир ажлаасаа гарсан бөгөөд энэ боломж нь түүнийг уг мөрөөдлөө биелүүлэхэд ашигтай нөлөөлжээ.
“Надад энэ талын туршлага байгаагүй л дээ гэхдээ би сүйт бүсгүйн даашинз урлахыг маш их хүсдэг байсан, гэтэл азаар зах зээлд ийм төрлийн үйлчилгээ хэрэгтэй байгааг анзаарсан юм” гэжээ.
Тэрээр мөн гэрлэхээс өмнө гэнэтийн өөрчлөлтөд орж сэтгэл санаа нь хямарсан сүйт бүсгүйчүүдэд туслахыг хүсдэг бөгөөд тэдэнд зөвлөгөө өгөх зэргээр тусалдаг байна. Тэрээр өөрийн бизнесээ алдартай нарийн боовны газрын дээд давхарт нээсэн бөгөөд үйлчлүүлэгч бүсгүйчүүд минь тэдэнд зориулсан онцгой газарт ирж байгаа гэдгийг мэдэрч мөн гудмаар өнгөрч яваа хүмүүс цонхны цаанаас харц унагах талаар санаа зоволгүй өөрийнхөөрөө байж чадна гэсэн юм.
Уг үйлчилгээгээ 2018 онд нээсэн бөгөөд цар тахал эхлэхээс өмнө 100 орчим үйлчлүүлэгч аваад байсан юм. Хэдийгээр Анна өөрийн ажлын байрандаа дуртай ч гэсэн хөл хорионы улмаас зайнаас ажиллахаас өөр аргагүй болсон юм. Тиймээс тэрээр үйлчилгээгээ бага зэрэг өөрчлөх шаардлагатай болсон ч бас нөгөөтээгүүр түрээс, үйлчилгээний зардал зэрэг зарлага багассан нь нөгөө талаар бас ашигтай байгаа гэж тэр хэлсэн юм.
Одоо тэрээр интернетээр үйлчлүүлэгчидтэйгээ холбогдож тэдэнд тохирох даашинзыг нь зөвлөх, үйлчлүүлэгчдийнхээ хүслээс хамаарч загварыг нь өөрчлөх гэх мэт бусад ажлуудыг нь хийж байгаа бөгөөд мөн сүйт бүсгүйчүүдэд зөвлөгөө өгөх ажлаа ч хийсээр байгаа юм. Учир нь бүх сүйт бүсгүйчүүд хуримын ордонд аз жаргал инээд хөөрөөр гэрэлтсээр орж ирдэггүй, зарим нь гэнэтийн өөрчлөлт бусад зүйлсээс болон сэтгэл хямрал гэх мэт бусад асуудалд ордог, харин миний үүрэг бол тэдэнд туслах гэжээ.
Дижитал маркетер Аннабел Шеен
Дараах хүн бол Лондон хотын Эзэнт Гүрний Дайны музейн ажилтан Аннабел Шеен юм. Музей коронавирусын улмаас үйл ажиллагаа явуулахгүй байгаа юм.
Ердийн үед бол тэрээр музейд ажиллаж байх ёстой харин одоо түүний хийж байгаа ажил нь бол үзмэрүүдийг дижитал хэлбэрт оруулж хэрэглэгчдэд үзүүлэх юм.
Тэрээр өнгөрсөн 4-р сард ажилдаа орсон бөгөөд одоогийн байдлаар ажлынхаа нэг ч хүнтэй биечлэн уулзаж амжаагүй л байгаа юм.
Музейн үзмэрийн гол агуулга бол тухайн үзмэрийг харж, мэдэрч тухайн зүйлийн тухай олж мэдэх байдаг тийм ч учраас хөл хорио тэдний хувьд томоохон шалгуур болсон юм. Түүний одоо бүтээхээр зорьж буй ажил нь музейн ажилчдын өмнө нь огт хийж байгаагүй зүйл юм.
Тэрээр ажлаа хийхдээ музейд буй үзмэрүүдийн гар утас болон бусад төхөөрөмжөөр хийсэн бичлэг дээр музейн тайлбарлагчдын хийсэн тайлбартай хавсарган оруулж байгаа бөгөөд мөн бусад үзмэрүүдийг дижитал байдлаар бүрдүүлж байгаа юм.
Тэрээр хамтран ажиллаж буй багийнхантайгаа биечлэн уулзахыг үнэхээр хүсэж байгаа бөгөөд тэрээр одоо ч ажилчдын үнэмлэхээ авч амжаагүй хэвээр байгаа юм.
Эх сурвалж: BBC
