Уг амны хаалт нь энгийн хөвөн даавуун даавуугаар хийгдэх бөгөөд утсанд суулгасан аппликэйшинтэй Bluetooth-р холбогдож хэрэглэгчийн яриаг хөрвүүлэх, эсвэл дуудлагын үед шууд дамжуулах үйлдэх хийх ажээ. Мөн түүнчлэн уг амны хаалт нь Япон хэлнээс бусад хэлрүү орчуулга хийх ч боломжтой ажээ.

Уг амны хаалтыг C-Mask гэж нэрлэж байгаа бөгөөд ирэх 9 дүгээр сараас худалдаанд гарах ажээ. Тэдний төлөвлөгөөгөөр эхний ээлжид ирэх 9 дүгээр сард 5000 ширхгийг худалдаалах бөгөөд нэг бүрийн үнэ нь 3,980 Иен-н (37,23ам доллар) үнэтэй зарагдах ажээ. Тэд ухаалаг амны хаалтыг коронавирусийн хоёрдугаар үеийн дэгдэлт үүсэх өндөр эрсдэл бүхий АНУ, Европ болон Хятадад борлуулахыг зорьж байгаа юм.

Donut Robotics-н мэдэгдсэнээр зурвас илгээх болон орчуулга хийх функцүүд нь тэдний төлөвлөгөөний зөвхөн эхлэл төдий бөгөөд цаашид өөр олон боломжит байдлаар хөгжүүлэхээр төлөвлөж байгаа аж.

Тайсүкэ Оно-н хэлснээр C-Mask амжилт олох нь эргэлзээтэй хэдий ч бид үүнийг хийх болно гэжээ. Учир нь ухаалаг амны хаалт яг цагаа олсон үедээ гарч ирж байгаа бөгөөд коронавирусийн улмаас ухаалаг гар утасны борлуулалт нь халдвар тарах эрсдэлээс сэргийлж ариутгах, гадна орчинд хэрэглэхгүй байх зэрэг асуудлын улмаас 2020 оны байдлаар 20 хувиар буураад байгаа юм. Тийм ч учраас С-Mask таныг ухаалаг утсандаа хүрэлгүйгээр хэрэгцээ шаардлагаа хангах боломжийг бүрдүүлж өгөх учраас давуу талтай гэж үзэж байгаа ажээ. Учир нь олон нийтийн газар утсаар ярих хэрэгцээ гарах үед та амны хаалтаа авалгүйгээр ашиглах боломжтой болж байгаа нь тун том давуу тал юм.

Эх сурвалж: Forbes