2018 онд "Tesla"-ийн хувьцаа эзэмшигчдэд Элон Маск зөвхөн компанийн хувьцааны ханшнаас хамаарч цалин авна гэсэн амлалт өгч байсан билээ. Үүнийг нь ч хувьцаа эзэмшигчид хүлээн зөвшөөрсөн юм. Өөрөөр хэлбэл Элон Маск зөвхөн компанийнхаа хувьцааны ханш өссөн тохиолдолд ашгаас нь цалин авна гэсэн үг юм. Мэдээж хэрэг цалин авахын тулд тэрбээр "Tesla"-ийн хувьцааг байнга нэмэгдүүлэх шаардлагатай тулгарсан юм.

Тэрбээр 2020 хүртэл нэг нэг ч долларын цалин аваагүй бөгөөд энэ оны эхээр анхны цалингаа авсан. Харин саяхан "Tesla" компанийн хувьцааны ханш 3 дахин нэмэгдсэн юм. Үүний ачаар тус компанийн үнэлгээ 300 тэрбэм ам.долларт хүрч Элон Маск 2018 оноос хойших 2 дахь цалингаа буюу 2.1 тэрбум ам.доллар авах боломжтой болсон байна. 

Хэдийгээр дэлхий даяар эдийн засгийн байдал хэцүү байгаа ч "Tesla" компани Хятад улсад үйлдвэрлэсэн анхны автомашинуудаа худалдаан гаргаж эхэлсний хүчинд ийнхүү нийт борлуулалтын тоо нэмэгдсэн байна. Энэ нь тус компанийн хувьцааны ханш огцом нэмэгдэх гол шалтгаан болсон юм. Элон Маск дэлхийн хамгийн том автомашины зах зээлд нэвтрэхийг эртнээс хүсч байсан бөгөөд ийнхүү өөрсдийн бүтээгдэхүүнийг Хятадад үйлдвэрлэн нийлүүлэх боломжтой болсон билээ. 

Тус үйлдвэр нь "Tesla"-ийн хилийн чанад дахь анхны үйлдвэр бөгөөд өөр олон оронд үйлдвэрээ нээх төлөвлөгөөтэй байгаагаа Элон Маск мэдэгдсэн байна. 

Одоогийн байдлаар тус компанийн борлуулалтын хэмжээ өнгөрсөн жилийн мөн үеэс 2  дахин нэмэгдээд байгаа аж. 

Мөн Хятад дахь үйлдвэрийн нээлтийн ачаар "Tesla"-ийн хувьцааны ханш Даваа гаригийн арилжаагаар түүхэндээ анх удаа 500 ам.долларын ханшийг давж, компанийн нийт зах зээлийн үнэлгээ нь 300 тэрбум ам.долларт хүржээ. 

Элон аль хэдийн Тесла компанийн 34 сая ширхэг хувьцааг эзэмшиж байгаа бөгөөд юм. Энэ нь түүнд компанийн 22 орчим хувийг хянах боломжийг олгодог.

Одоогийн нөхөн олговрын багцын дагуу тэрбээр ахиад 20.3 сая ширхэг хувьцааг худалдаж авах бүрэн боломжтой аж. Гэхдээ ингэх нь компанийн ирээдүйд ашигтай эсэхэд олон хүн эргэлздэг юм.

Элон Маск одоо дараагийн цалингаа авахын тулд "Tesla"-ын зах зээлийн үнэлгээг 375 тэрбум ам.долларт хүргэх, 17 тэрбум ам.долларын борлуулалт хийх шаардлагатай юм. 

"Tesla" компани энэ талаар ямар нэг мэдэгдэл өгөөгүй байна. Гэхдээ компанийн ТУЗ нь Элон Маскын 2018 онд Элон Масктай хийсэн цалингийн гэрээгээ нүдээ олсон алхам гэж мэдэгдсэн аж. 

"Тесла хувьцаа эзэмшигчийн үнэ цэнийг үргэлжлүүлэн нэмэгдүүлэх өвөрмөц боломж байгаа гэдэгт бид итгэж байна. Бидний хүсэл эрмэлзэл заримд хүмүүст хэт их амбицтай, боломжгүй зүйл мэт санагдаж магадгүй. Гэхдээ бидэнд түүнд хүрч чадна гэсэн итгэл бий. Элонд ч гэсэн бид итгэж байгаа учраас тийм хэлэлцээрийг хийсэн юм." гэж ТУЗ-ийн гаргасан мэдэгдэлд дурджээ. 

Эх сурвалж: Business Insider