Дуу хоолойн өнгө: Барак Обама амжилтад хүрсэн шалтгааны нэгийг түүний дуу хоолойн өнгө гэж мэргэжилтнүүд үзэж байгаа ажээ. Түүний тайван, даруу төлөв, сул өнгөөр ярьдаг нь хүмүүст таалагдах нэг шалтгаан гэнэ.

Төсөл болон даалгаварт хандах: Ямар нэгэн даалгавар, төлөвлөгөө, төсөвт хандахдаа эхлээд өөрөөсөө нэг зүйлийг асуух хэрэгтэй гэнэ. Үүнийг чанартай хирнээ хялбар аргаар яаж хийх вэ? Яг л танилцуулга бэлдэхэд эрээлжилсэн урт мэдээлэл бичихийн оронд санааг ойлгуулах цөөн хэдэн үг тэмдэглэх нь бусдад хүрэх нь хялбар бөгөөд үр дүнтэй байдаг. Яг үүнтэй ижлээр ажлыг ч гэсэн хялбар бөгөөд хариуцлагатай байдлаар хийх хэрэгтэй гэнэ.

Үйл явц: Ажлын бүтээмжийг сайн байлгахын тулд хамгийн амар хялбараас нь эхлэх хэрэгтэй гэнэ. Төгс байлгах оролдлого бол бүтээмжийн хамгийн том дайсан ажээ. Тийм ч учраас бүтээмж өндөр, үр дүн өндөр байлгахын тулд хамгийн хялбараас нь эхэлж хүндлүү чиглэх байдлаар ажиллах хэрэгтэй гэнэ.

Зуршил: Дадал зуршлын хувьд ч өөртөө төвөг багатай энгийн зуршилтай болох нь таны хувьд ашигтай гэж сэтгэл зүйчид мэдэгдэв. Хуучин муу зуршлуудаа салахдаа ч гэсэн хэцүү замыг сонгох хэрэггүй. Тамхинаас гарахын оронд уушгины хорт хавдрын зураг хаа сайгүй наахаас илүүтэй гарт ойр байгаа газраа чихэр, амттан эсвэл өөрийгөө сатааруулах ямар нэг зүйл тавьж түүндээ цагийг зориулах нь бүх талаар дээр гэнэ.

Дасгал: Холын зайд гүйх зэрэг нь хүний бие сайн дасгалуудын нэг. Гэхдээ үүнийг өөртөө таалагдахгүй байсан ч зөвхөн сайн гэдэг бодлоор хүчээр хийх нь эсрэгээрээ муу нөлөөтэй байдаг ажээ. Тийм ч учраас хэд хийсэн ч уйддаггүй, өөртөө таалагддаг төрлийн дасгалыг сонгож авч байх нь маш чухал ажээ.

Спорт: Хамгийн шилдэг тамирчид хүндхэн үзүүлбэрүүдийг энгийн юм шиг хийж чаддаг. Энэ нь уг үзүүлбэр тийм амархандаа биш тэд л өөртөө тохирох аргачлалаар амархан байлгах арга аа олсон гэсэн үг. Түүнээс хэдэн мянга давтах нь таны чадварыг хялбарчилж сурахтай ижил хэмжээнд сайжруулж чаддаггүй байна.

Эх сурвалж: psychologytoday