Өнгөрсөн жил “Google Home”, “Apple HomePod” зэрэг ухаалаг чанга яригчид маш их хэмжээний шүүмжлэл дагуулж татан буугдах болсон шалтгаан нь бидний өөрсдийн гар утас болон бусад төхөөрөмжөөр хийсэн дуу бичлэгийг чагнаж байсан нь илэрсэн учраас олон ч хүний шахалтаар хэрэглээнээс гаргаж байсан билээ.

Тэгвэл саяхан “Google” компани хэрэглэгчид дээ дахин нэгэн мэйл явуулсан нь хиймэл оюунтай ярьдаг туслахын санг хөгжүүлэхийн тулд хэрэглэгчдийн дуу бичлэгийг дахин ашиглаж, задлан шинжилгээ хийнэ гэдгээ мэдэгдсэн байсан юм. Гэсэн хэдий ч үүнийгээ нууцын зэрэгтэй гүйцэтгэх бөгөөд таны мэдээллийг цааш нь хэн нэгэн этгээд олж мэдэх боломжгүй гэж мэдэгдээд байгаа юм.

Мөн түүнчлэн “Google” компанийн удирдлагууд энэ тухай тайлбарлахдаа таны дуу бичлэгийг цааш нь тусгай серверт хадгалж авах бөгөөд энэ тухай танд мэдэгдэж мөн түүнчлэн ямар зориулалтаар ашиглаж байгаа зэрэгт дэлгэрэнгүй тайлбар өгнө гэсэн байв. Мөн түүнчлэн “Google Audio” өргөтгөлийг хаяг тус бүр дээр нээсэн ч мэдээллийг нь хаалттай байлгаж байгаа юм. Хэрэв та дуу бичлэгийг тань “Google” компани ашиглахыг зөвшөөрч буй тохиолдолд өөрийн мэйл хаягийн тохиргоо цэс рүү орж дуу бичлэгийн цэсийг идэвхжүүлсэн тохиолдолд эхлэх гэнэ. Гэхдээ одоогийн байдлаар хэдэн хүн рүү уг зурвас очсон нь тодорхой биш байгаа бөгөөд, ямартай ч бүх хэрэглэгчдээ ийм зурвас илгээгээгүй байгаа юм.

Мөн түүнчлэн эдгээр хүмүүс нь “Google”-ийн дуу хоолой бүхий автомат туслах болон газрын зураг зэрэг хэд хэдэн аппликэйшнийг хэрэглэдэг хүмүүс байгаа юм. Тиймээс хэрэв та “Google” компанийн бүтээсэн хиймэл оюуныг улам хөгжүүлж, цаашид ухаалаг гар утас тань танд ердийн хүн мэт хариулт өгч, чөлөөтэй ярилцаж чаддаг болоосой гэж хүсэж байвал өөрийн хаяг дээрээс дуу хоолой бичих цэсийг нь идэвхжүүлж болох юм.

Эх сурвалж: Forbes