Пакистан улс олон улсын хэмжээнд өрөнд орохоос сэргийлэхийн тулд дахин нэг удаа БНХАУ-аас дэмжлэг хүслээ. Учир нь 2018 оны аравдугаар сард Пакистан улс Саудын Арабаас 6.2 тэрбум ам.долларын зээл авсан юм. Энэ зээл нь нийт 3 сая ам.долларыг бэлэн мөнгөөр үлдсэн 3.2 тэрбумыг шатахуун болон байгалийн хийний хангалт хэлбэрээр авна гэдгээр тохиролцоод байсан юм.

Санхүүгийн хувьд хүндрэлтэй байгаа Пакистан улсад Хятад улсаас мөнгө зээлэхээс өөр аргагүй нөхцөл байдал үүсээд байсан юм. Учир нь зээлээ хугацаандаа өгч чадаагүй тохиолдолд Саудын Араб цаашид санхүүгийн тусламжаа бууруулна гэж мэдэгдээд байсан билээ.

Хоёр улсын хоорондын тохиролцоогоор Пакистан улс зээлсэн мөнгийг жилийн бүр нэг сая ам доллар авахаар хийсэн бөгөөд эргэн төлөлтийг гурван жилийн дараа төлөхөөр болж мөн Пакистан улс жил бүр 3 тэрбум ам долларт 3.2 хувийн хүү төлөх ёстой болоод байсан юм.

Хятад улс уг саналыг Пакистантай хийсэн төмөр замын гэрээнд гарын үсэг зурсны дараа зөвшөөрсөн байна. Өнгөрөгч лхагва гариг буюу наймдугаар сарын тавны өдөр Пакистан болон БНХАУ хооронд шинэчилсэн төмөр зам барих төсөл зөвшөөрөгдөж, үйл ажиллагаагаа эхэлсэн байна. Уг төмөр зам нь 2655км үргэлжлэх бөгөөд нийт өртөг нь 6.8 тэрбум ам.доллар болно гэнэ. Уг төсвийн 90 хувийг Хятад улс мөн дангаараа гаргаж байгаа ажээ.

Мөн түүнчлэн Хятад улс олон төрлийн салбар болон үйлдвэрлэлд хөрөнгө оруулалт зэргээр Пакистан улсад нийт 60 орчим тэрбум ам.долларын тусламж үзүүлээд байна.

Эх сурвалж: BBC