Улаан нүдэн гараг дээр усны ул мөр байгаа гэсэн шинэ нээлтийн дараа эрдэмтэд Ангарагийн гүнээс амьдрал хайж эхэлжээ. Энэтхэгийн Абу Даби хотын Сансар судлалын төвийн судлаачид Ангараг гарагт ус байгаа ул мөр илэрч байгаа нь газрын гүнд амьдрал тэтгэсэн орчин байдгийг баталж магадгүй гэж үзжээ.

Ангарагийн гадарга дээрээс ямар ч амьдрал болон амьдрал байсан гэх ул мөр илрээгүй ч  Абу Даби хотын Сансар судлалын төвийн судлаач Димитра Атригийн санал болгож байгаагаар Ангарагийн газрын гүнд амьдрал оршиж байх боломжтой гэж илэрхийлэв. Атргийн үзэж байгаагаар сансрын цацрагт идэвхт туяа нь гадрагыг байнга шардаг нь газар доор байрлах органик нэгдлүүд, амьд биетүүдийг дулаанаар хангадаг байж магадгүй гэв. Атригийн олсон баримт нь “Марсын газар доорх орчинд орших сансрын туяагаар тордогддог, цацраг идэвхт химийн тэнцвэргүй урвал явуулдаг боломжит биологийн биесийн судалгаа” тайланд "Scientific Reports" хуудсанд нийтлэгдсэн байна.

Ангараг гараг дээрх эртний амьдрал 

Усан орчин Ангараг гараг дээр байна гэсэн баримт нотолгоо олшрохын хэрээр тэр орчин амьдрал тэтгэдэг үгүйн талаарх асуулт урган гарчбайна. Ангарагийн агаар мандлын сийрэгжилт гадаргын эрс өөрчлөлтийг авчирч гадарга дээр байсан усыг бүрэн ууршуулж амьдрах боломжтой газруудыг багасгасан. Ангарагийн гүнд харин ус болон ус мөсний хольцтой орчин байгаа гэх ул мөр саяхан гарч ирэв. Ангараг гараг дээрээс цуглуулсан мэдээллүүдийг нэгтэн боловсруулж, Дэлхий дээр байдаг газрын гүн дэх байгалийн экосистемтэй харьцуулсан судалгааг Атри гаргажээ. Атри хэрэв амьдрал Ангараг дээр оршдог эсвэл нэгэн цагт оршиж байсан бол 2022 оны Европын сансрын агентлаг болон Оросын сансрын агентлагтай хамтарсан Ангараг гараг дээр явагдах даалгавар нээн илрүүлэх болно гэсэн санал дэвшүүлэв. “Газар доош ердөө хоёрхон метрийн гүнд хүртэл амьдрал байх магадлалтай байгаа нь амьдрал ийм эрс тэрс орчинд тэсэж үлдэж чаддаг гэх сэтгэл догдлуулам санааг гаргаж ирж байна. 2022 онд Орос болон Европын сансрын агентлаг нар өөрсдийн бүтээсэн ровероо Ангараг руу илгээх болно. Энэ ровер нь газрын гүн рүү өрөмдлөг хийхээр тоноглогдсон байх учир бидэнд амьдрал байсан, байгаа гэх ул мөрийг бүрэн нотолж чадах баримт, шинжилгээ гаргаж ирнэ гэж найдаж байна.” гэж Атри өөрийн сэтгэгдлээ хэллээ.

Эх сурвалж: Forbes