Зар сурталчилгаагаар ‘’хөлжсөн’’ Facebook компани Apple компанийн хэрэглэгчдийг алдах нь. Хэзээнээс л хэрэглэгчдийн хувийн мэдээллийг ‘’тагнаж’’, түүнд тохирсон бараа бүтээгдэхүүнүүдийн зар сурталчилгааг хүргэдэг Facebook компани энэ намар худалдаанд гарсан Apple-ийн iOS 14 үйлдлийн систем хэрэглэгчдэд үйлчлэхгүй болох гэнэ. 

Facebook лхагва гарагт хамтран ажилладаг бизнес эрхлэгч, хөгжүүлэгчдэд өгсөн тэмдэглэлдээ facebook хэрэглэгчдийн зар сурталчилгааны үзэлт 50 хувь буурах талаар дурджээ. Уг нь сурталчилгаа явуулахад хамгийн тохиромжтой, хэрэглэгчдэд хүргэх  боломжийг олгодог  Audience Network үйлчилгээ  юм. 

Фэйсбүүк энэхүү үйлчилгээг хичнээн хүн бизнесийн үйл ажиллагаандаа ашиглаж байгаа талаар тодорхой мэдээлээгүй боловч  хувийн  тохируулгыг  хассанаар  орлого  50 хувиар  буурч буйг  харуулсан  туршилтууд гаргасан байна. 

Фэйсбүүк  нь  iOS 14 ашигладаг  төхөөрөмж дээр  сурталчилгаа байршуулагчдын   таних  тэмдэг  цуглуулахаа  зогсоож, тухайн үйлчилгээг ашиглан цуглуулж буй өгөгдлийг хязгаарлах аж. Ингэснээр сурталчилгаа байршуулагчдад Apple-ийн хэрэглэгчдийн мэдээллийг мэдэх боломж  хязгаарлагдах гэнэ. 

“Энэ  бол  бидний  хийхийг  хүсэж  байгаа өөрчлөлт биш. Гэхдээ  харамсалтай нь Apple-ийн  iOS-д оруулсан  шинэчлэлтүүд  энэ шийдвэрийг хүчээр гаргуулсан. “ Шинэчлэл” нь үзэгчдийн  сүлжээг  iOS 14 дээр үр ашиггүй болгож болох тул үүнийг худалдаа эрхлэгчдэд санал болгох  нь утгагүй юм" хэмээн мэдэгджээ.

Apple-ийн  үйлдлийн  систем нь  Google-ийн  эзэмшдэг  Android-ийн дараа дэлхийд  хоёрдугаарт  бичигддэг. Тус  компани  6-р сард  iOS 14-ийг  зарласан  бөгөөд  намар  шинэ  үйлдлийн  системийн  бүрэн  хувилбар  гаргах  төлөвтэй  байна. Фэйсбүүк нь дэлхий даяар 19000 гаруй хөгжүүлэгч, хэвлэн нийтлэгчидтэй хамтарч ажилладаг бөгөөд өнгөрсөн жил зар  сурталчилгааны  түншлэлийн  хүрээнд тэрбум долларыг зарцуулжээ. 

Зар  сурталчилгаа  нь  Фэйсбүүк-ийн  бизнесийн  дийлэнх  хувийг  эзэлдэг  бөгөөд компанийн  зар  сурталчилгааны  чиглэлээр үйл ажиллагаа явуулдаг нь урт хугацааны туршид маргаантай  байсаар  ирсэн. Үүний зэрэгцээ Apple компани нь хэрэглэгчийн  хувийн  нууцыг хамгаалах үүрэгтэй  гэдгээ удаа  дараа  мэдэгдэж байсан. 

“Бид  хөгжүүлэгчид, худалдаа эрхлэгчдийнхээ эрх ашгийг бодолцож,  Apple-ийн  бодлого, хэвлэн  нийтлэгчдийн  зүгээс ямар  арга  хэмжээ  авах  талаар илүү  их  мэдээлэл  олж  авах  болно''  Facebook компани   мэдэгдсэн юм. 

Эх сурвалж: Forbes