AНУ-ын өр 24 их наяд ам.долларт хүрчээ. Энэ үзүүлэлт нь тус улсын дотоодын нийт бүтээгдэхүүнээс нэг хувиар илүү байгаа бөгөөд ийнхүү анх удаа тус улсын өр эдийн засгаар давж гарлаа. Шинжээчдийн ярьж буйгаар энэ байдал нь  хөрөнгө оруулагчдын болгоомжлолыг хараахан төрүүлээгүй л байна. Гэхдээ АНУ ирээдүйд үүнтэй хамт санхүүгийн бүх зах зээл өнгөрсөн зуных шиг шинэ хямралын давалгааны босгон дээр тулж мэдэхээр болжээ. Цагаан ордон, Конгрессын хоорондын төрийн зээлийн дээд хэмжээг нэмэх асуудлаас болж гарсан сөргөлдөөн хөрөнгийн биржүүдийг хямралд оруулж, дэлхийн хамгийн том  рейтингийн “Standart end Poors” агентлаг нь АНУ-ын зээлийн рейтингийг бууруулж байсан юм.

Өрийн хэмжээ рекорд тогтоосон нь америкчууд Дональд Трампыг шүүмжлэх, дэлхийн эдийн засаг дахь АНУ-ын ноёрхлыг эсэргүүцэгчдэд уур хилэнгийн шинэ шалтгаан бий болгов. АНУ-ын төрийн зээл нь ой ухаанд багтамгүй 14 оронтой тоонд хүрч 24 их наяд 33 тэрбум 607 сая 920 доллар 32 центэд хүрсэн гэж АР агентлаг мэдээлсэн юм. Энэ тоо баримт Сангийн яамны гаргасан тайланд тусгагджээ.

Трамп засгийн эрхэнд  байх сүүлийн гурван жилд төрийн зээл 1.5 дахин өссөн нь Цагаан ордны одоогийн эзэнгийн рейтингэд нөлөөлсөн юм. Энэ байдал нь  зөвхөн түүнийг л түгшээж байна. Зах зээлүүд огт  өөр асуудлуудыг сонирхож байгаа аж. Одоогийн байдлаар хөрөнгийн зах зээлүүд Европын асуудлууд болон евро бүсийн өр дээр төвлөрөөд байгаа. Үүнтэй холбогдуулан Америкийн зах зээлийн өрийн хурцадмал байдал нь Вашингтоны толгойны өвчин болох аж.

Оны эцсээр АНУ-ын төрийн зээлийн түвшин ДНБ-ий хэмжээнд хүрнэ гэж шинжээчид таамаглаж байна. Өөрөөр хэлбэл, 15.2 их наяд ам.доллар юм. Америкчуудын эрс шүүмжилдэг Европын холбооны нормоор бол төрийн зээлийн дээд хэмжээ ДНБ-ий 60  хувиас илүүгүй байх ёстой гэнэ. Конгрессын Бүгд найрамдахчууд, ардчилагчид төрийн зээлийг багасгах төлөвлөгөөг зөвшилцөж чадна гэдэгт хөрөнгө оруулагчид найдаж байна гэж ажиглагчид тодорхойлж буй.

Бүгд найрамдах, Ардчилсан намын төлөөлөгчдийн тайлбарлаж байгаагаар тэд нэгдсэн шийдвэрт хүрч чадна. Магадгүй ингэснээр энэ оны наймдугаар сард АНУ-ын төрийн зээлийн дээд хэмжээг тогтоохтой холбоотой гарсан шүүмжлэлээс үүдэн “Standart end Poors” агентлагаас АНУ-ын ззэлийн рейтингийг бууруулсан шиг тийм байдлыг үзэхгүй ч байж мэднэ. Гэхдээ байдал сайжирна гэдэгт 100 хувь итгэлтэй хандах хүн олдохгүй байгаа юм. Тиймээс оны сүүлчээр зах зээлийн бууралтыг өдөөсөн ямар нэгэн сөрөг мэдээллүүд гарч ирж магадгүй юм.

Сүүлийн үеийн мэдээгээр Бүгд найрамдахчууд, ардчилагчид нь Америкийн төрийн зээлийг 1.5 их наяд ам.доллараар багасгах төлөвлөгөөг бараг л зөвшилцжээ. Зарлагаа багасгаж, татвараа нэмэгдүүлж шийдэх гэнэ. Түүнчлэн цэргийн ашиглаагүй төсвөө ажилгүйдэл болон эмнэлгийн туслалцаа авахад дэмжлэг үзүүлэхэд чиглүүлэх аж.

Эх сурвалж: CNN