CAAK ӨНЦӨГ: Технологийн хэт хөгжил биднийг юунд хүргэх вэ?
Өөдрөг үзэлтнүүд технологиийн дэвшлийг нийгмийг хувиргаж чадах гол хүч болно гэдэгт итгэж, түүнд өмнөхөөсөө илүү ач холбогдол өгөх болов.
Энэ бүхэн интэрнетийн хамрах хүрээ болон бидний эдэлж хэрэглэж байгаа сүүлийн үеийн ухаалаг төхөөрөмжүүдээр илэрч байгаа билээ.
Цааш цаашдаа технологийн гайхамшгууд биднийг алмайруулах нь гарцаагүй. Гэвч энэ бүх оргилгүй хөгжил махан биет хүн төрөлхтнийг юунд хүргэх бол.
1968 оноос техник технологийн хөгжлийн талаархи элдэв мэтгэлцээн өрнөж эхэлжээ. Тэр үед өрнөж байсан яриа нь хүн төрөлхтөн удахгүй атганд багтах утсаар ярих болно тэр ч бүү хэл халааслаад авч яваад хаанаас ч холбогдож болно хэмээн утасны тухайд ярьж, нисдэг машин, асар хурдан галт тэрэг, хоёр зуун давхар байшин бий болно гэхчлэн ирээдүйд бий болох олон зүйлсийн талаар зөгнөн ярьцгаадаг байсан.
Гэхдээ тухайн үед тэрхүү зөгнөл биелэх эсэх нь тун эргэлзээтэй байхаас гадна хүмүүс итгэдэггүй гайхаширч байсан юм. Харин энэ бүхэн нь одоо цагт бүрэн биеллээ олохоор барахгүй төсөөлж ч байгаагүй технологийн гайхамшгууд бий болсон билээ.
Хүмүүс бид ирээдүйн технологийн хөгжлийн талаар одоо ч өмнөхийн адилаар төсөөлж, таамагладаг хэвээр. Гэхдээ тэдгээр мөрөөдлийнхөө тухайд итгэл үнэмшил дүүрэн байдаг болжээ. Гар утас болон ухаалаг төхөөрөмжүүдийн хувьд 2011 оноос эхлэн дэлхий даяар шинэчлэгдэж эхэлсэн бөгөөд өнөөдөр хүн төрөлхтний 95 орчим хувь нь ухаалаг гар утас болон төхөөрөмжүүдийг хэрэглэх болжээ.
Сүүлийн хоёр жилийн дотор маш эрчимтэйгээр дэлхийн нийтийн интэрнетийн хэрэглээ асар хурдтай өссөн. Энэ нь ухаалаг төхөөрөмжөөр дамжуулан интэрнет ашиглах болсон нь ийнхүү нөлөөлж байгаа юм.
Хүний хэрэглээ улам бүр хялбаршиж байгаа нь хэсэг бүлэг хүмүүсийн оюуны чадавхийн үр дүн гэж хэлж болно. Харин бэлэн бүтээгдэхүүн хэрэглэгчдийн хувьд энэ нь сөрөг нөлөө үзүүлж байж болох юм хэмээн АНУ-ын социологич Харви Сакс үзэж байгаа юм.
Мөн техник технологи хөгжихийн хэрээр хүмүүсийн хоорондох бодит харилцаа үгүй болж байгаа нь маргаангүй үнэн. Оюун ухааны хэт зарцуулалт нь хүмүүсийг орчноос таслах шалгаан болж байгаа. Түүнчлэн хүмүүс асар их мэдээлэлтэй болж ирсэн нь зарим талаараа сөрөг үр дагаварт хүргэх жишээтэй.
Хөгжил дэвшил гэдэг хязгааргүй ч барагдах нөөцтэй дэлхийд, тодорхой хэмжээнд амьдрах хугацаатай хүн төрөлхтний хувьд эцсийн үр дүнд гарцаагүй хүнд байдалд оруулж мэдэх юм. Хүмүүс бодитоор бие биетэйгээ уулзаж, өөрийн хөдөлмөрөөр ямар нэг зүйлсийг хийж, интэрнетийн хараат бус байдалд шилжихийг хүсдэг болохыг ч үгүйсгэхгүй.
Эх сурвалж: BBC
