Ерөнхий сайд Л.Оюун-Эрдэнийг Алтанбулагийн чөлөөт бүсийн үйл ажиллагаатай танилцах үеэр Сэлэнгэ аймгийн Засаг дарга Ш.Оргил "Комфорт" ХХК-ийн гүйцэтгэсэн шугам хоолойн талаар гомдол мэдүүллээ. 

"Комфорт" ХХК нь тус шугам хоолойг 20 гаруй тэрбум төгрөгөөр барьж гүйцэтгэсэн боловч Алтанбулагийн чөлөөт бүстэй холбосон нэр зүүгээд, булж орхижээ. Шороонд дарагдсан тус шугам хоолойг аймгийн төсвөөр засаж, сайжруулах талаар судалтал 600 орчим сая төгрөг шаардлагатай болсон тул улсын төсвийг харахаас өөр аргагүй болсон талаар Засаг дарга Ш.Оргил Ерөнхий сайдад учирлалаа. 

Үүний улмаас Алтанбулагийн чөлөөт бүсийн бохир гүйхээ больж, буцаж халих асуудал гараад байгаа юм байна. Ерөнхий сайд энэхүү гомдлыг сонсоод, холбогдох хүмүүст нь сонордуулж, арга хэмжээ авахыг үүрэг болгов. 

---