-Халдвар авсан иргэдийн эмчилгээний зардал өөр өөр болж байгаа. Дунджаар нэг долоо хоногийн эмчилгээний үнэ 200 мянга орчим болж байна-
Өдөр ирэх тусам халдварын тохиолдол нэмэгдэж буй энэ өдрүүдэд эмнэлгийн байгууллага ачааллаа дийлэхээ больж, иргэд гэрээрээ эмчилгээ хийж байна.
Энэ үед иргэд эмчилгээний зардлаа өөрөө гаргаж байна гэсэн мэдээллийн дагуу ЭМЯ-ны хэвлэлийн ажилтан Б.Ууганбаяраас тодрууллаа. Тэрбээр “Гэрээрээ эмчилгээ хийж буй иргэдийг хоёр янзаар зохицуулж байна. Дүүрэг, хорооны эмч нар халдвар авсан иргэдийнхээ амьдралын түвшинг эрэмбэлээд, амьжиргааны түвшин дээгүүр орлоготой иргэдийг эм, тариагаа өөрсдийн мөнгөөр авахыг зөвлөж байна. Амьжиргааны түвшин доогуур орлоготой иргэдийн эмчилгээг төрөөс зохицуулж байна. Үүнийг өрхийн эмнэлэг зохицуулж, шийдэж байна. Халдвар авсан иргэдийн эмчилгээний зардал өөр өөр болж байгаа. Дунджаар нэг долоо хоногийн эмчилгээний үнэ 200 мянга орчим болж байна. Эмийн өсөлт, хангамж дээр эмийн агентлаг хяналт тавьж, ажиллаж байгаа” гэлээ.
Б.УУГАНБАЯР: Амьжиргааны түвшин дээгүүр орлоготой иргэдийг эмчилгээний зардлаа өөрсдөө гаргах чиглэл өгч байна |
|