УИХ-ын чуулганы хуралдаанаар “Монгол Улсын 2021 оны төсвийн гүйцэтгэл батлах тухай” УИХ-ын тогтоолын төслийн хоёр дахь хэлэлцүүлгийг хийлээ. хуулийн төсөлтэй холбоотой гишүүдп асуулт, асууж байр сууриа илэрхийлсэн. 

 

Энэ үеэр УИХ-ын гишүүн С.Одонтуяа “АН-ынхныг хэтэрхий чанга дуугаар улс төржлөө гээд байна. Би санал нийлэхгүй байгаа. Угаасаа л бид сөрөг хүчний хувьд хэлэх ёстой үгээ хэлнэ. Тухайн үед төсөв батлах үед тансаглалаа таслан зогсоогоод эмнэлгийн ажилтнуудынхаа цалинг нэмчихсэн бол өнөөдөр тэд талбай дээр зогсохгүй байсан юм.

 

Төсөв чинь тансаг байна гэхэд бид юмаа мэдэж байна. Та нар дуугүй бай гэсэн. Өнөөдөр эдийн засгаа харчих. Одоо эрүүл мэндийн ажилчдын асуудлыг шийд. Зарим нь захаасаа амиа хорлож байна. Ихэнх нь эмэгтэй хүмүүс байдаг. Цалин бага болохоор хань нөхөд нь хаяад явж байна. Яаралтай шийдэж өг. Гадаа талбай дээр 56 мянган хүнийг төлөөлж найм дахь хоногтоо суулт зарлаж байна. Дундаж цалин нь 600 гаруйхан мянга. Хамгийн их өр зээлтэй. Өмнө нь Солонгост гурван сар ажиллаад өрөө дардаг. Одоо тийм боломж алга. Цалинг нь нэмэх боломж байгаа. Энэ УИХ ямарч шаардлагагүй зүйлд төсөв зардагийг би мэднэ. 2020 онд төсөв хэлэлцэж байхад Ардчилсан намын бүлэг ковидын үеийн төсөв батлаач. Тансаглалаа багасгаач гэж хэлж байсан биз. Музей, соёлын төвөө түр царцаагаач гэж сануулсан уу. Ийм тансаг төсөв баталчихаад эмч нарын цалинг нэмэхгүй байгаа нь тангаргаар нь далимдуулсан доромжлол.” гэсэн юм.