Монгол эмэгтэй хүн бүр эрүүл, чийрэг хүүхэд төрүүлэхийн тулд гэр бүлээ зөв төлөвлөж, жирэмсэн үедээзөв хооллох хэрэгтэй. Ядрахгүйгээр ажлаа хийж, цэвэр агаараар амьсгалж, амралтаа зөв зохицуулах, стресс, ядаргаанд орохгүй, эерэг зөв бодолтой байх гээд бүгд л хэвлийд өсөж байгаа хүүхдэд хамгийн чухал.

Жирэмсэн эмэгтэйчүүд зөв хооллосноор цус багадалт, жирэмсний хордлого, төрөлтийн хүндрэлээс, мөн тураал, цус багадалт, Д аминдэм, иод дутлын эмгэгтэй хүүхэд төрөхөөс сэргийлнэ. Жирэмсэн үед тодорхой цагт тогтмол хооллож, олон төрлийн бүтээгдэхүүн оролцуулан хийсэн тэжээллэг, уураг, өөх тос, нүүрс усыг шаардлагатай хэмжээнд хэрэглэх хэрэгтэй.

Аминдэм, эрдэс бодисын эх үүсвэр болсон жимс, хүнсний ногоог хоолондоо түлхүү хэрэглэх. Махан хоолыг хэтрүүлж хэрэглэхүй байх ба 14 хоногт 1 удаа загас, тахианы мах, далайн гаралтай бүтээгдэхүүн хэрэглэвэл тохиромжтой. Уух шингэний хэмжээ жирэмсний эхний саруудад хэвийн байх боловч жирэмсний дунд үеэс эхлэн 1-1,5л хүртэл багасгах хэрэгтэй.

Жирэмсний эхний саруудад ургийн эд эрхтэн тогтолцоо нь нарийн дэс дараатай, тодорхой хугацаанд бүрэлдэн тогтдог учир чанартай, хангалттай хоол чухал ач холбогдолтой. Учир нь уураг, илчлэг дутагдахад бүх эрхтэнд шаардлагатай эс хуримтлагдаж чаддаггүй. Жирэмсэн эх уураг, илчлэг багатай хоолоор хоолловол ургийн тархины хөгжил хоцордог. Энэ нь цаашид хичнээн сайн хооллолоо ч тархины дутуу хөгжлийг гүйцээж чаддаггүй.

Эх дутуу хооллох нь ургийн хөгжил удаашрах, дутуу төрөх, бага жинтэй хүүхэд төрөхөд нөлөөлнө. Жирэмсэн болмогц эхчүүд эмнэлгийн хяналтанд орж, ОНБТБ /олон найрлагат бичил тэжээлийн бэлдмэл/, фолийн хүчил, төмрийн бэлдмэлийг эмчийн зааврын дагуу заавал хэрэглэх шаардлагатай. Эдгээр бэлдмэл нь жирэмсэн эхэд болон ургийн хөгжилд чухал нөлөөтэй.

1. 14 хоногт 1 удаа загас, тахианы мах, далайн гаралтай бүтээгдэхүүн хэрэглэх

2. Жимс ногоо түлхүү хэрэглэнэ. Гэхдээ сахар ихээр агуулдаг жүрж шиг жимснүүдийг хэрэглэхгүйг анхаарай

3. Төмрөөр баялаг гадил, бяслаг, өндөг, үзэм, дүфү, авакода зэргийг өдөрт 1 удаа идэж байгаарай.

4. Иодоор баялаг далайн байцаа, Хавчны, сам хорхой, хясаа, сармис, дун, масло зэргийг хэрэглэж болно. Иод нь ургийн тархины өсөлт бойжилтонд сайнаар нөлөөлнө

5. Сахар ихээр агуулсан ундааг хориглоно. Үүнд бүх төрлийн газтай ундаа, жүүс орно. Гэртээ жимсээ шахаж, сахар нэмэхгүйгээр жүүс хийж уугаарай Өдөрт 1-2 удаа Сахар ургийн тархины хөгжилд муугаар нөлөөлөхөөс гадна бусад эд эрхтэнд ч нөлөөлнө.

6. Өндөг бол харьцангуй бага калорийн агууламжтай тул хэрэгцээт уургийг биед хуримтлуулдаг. Өндгөнд төмрийн агууламж их тул урагт ямар нэгэн сэтгэц, мэдрэлийн гажиг үүсэхээс урдчилан сэргийлдэг сайн талтай.

7. Дунджаар цэвэр тараг өдөрт хоёр удаа хэрэглэснээр ургийн өсөлтийг хэвийн явуулахад чухал үүрэгтэй. Тараг болон цагаан идээнд кальцийн агууламж их тул хүүхдийн өсөлтийг дэмжихээс гадна ясны эрүүл байдлыг авчирдаг.

8. Мөн самар идэхийг зөвлөж байна. Учир нь ургийн тархины өсөлтийг дэмжинэ.

9. Бууцайд фолийн хүчил, бусад амин дэмүүд ихээр агуулагддаг бөгөөд хэвлийд бойжиж байгаа бяцхан үрсэд маань хамгийн чухал хүнсний ногоо юм. Мөн бууцайн уургийн агууламж ихтэй байдаг тул уургийг хэрэгцээг хангана. Жин барихад чухал нөлөө үзүүлнэ.

10. Гүзээлзгэнэ, нэрс, хад, үхрийн нүдэнд эрдэст чанар маш өндөр. Жирэмсний эхний гурван сар, хожуу хордлогонд тун сайн.