• Бүхэл бүтэн 1 тэрбум 400 сая хүн амтай атлаа эмнэлэгт нь ор олдохгүйн зовлон гэж алга. Эмнэлгийн үйлчилгээ, харилцаа төгс. Аль ч эмнэлэгт бүх тасгуудад олон эмч нар тус тусын өрөөнд зэрэг зэрэг үзлэг хийдэг болохоор хүн ихтэй ч өвчтөнгүүд удаан хүлээдэггүй.
• Бүх эмнэлэг онлайн учир үзүүлэх цагаа утсан дээрээ урьдчилаад сонгочихно. Тухайн сонгосон цагтаа очоод нэг их хүлээхгүй хурдхан ороод үзүүлчихнэ. Өвдсөн хүмүүс хаа холоос зөвхөн үзүүлэх дугаар авах гэж эмнэлэг орох шаардлагагүй.
• Зөвхөн хүүхдийн эмчилгээгээр дагнасан олон тооны эмнэлгүүдтэй. Ер нь хүүхэд гэдэг Хятад гэр бүл дотор хаан нь юм. Хүүхдийн гэх бүх зүйлс чанартай бас үнэтэй, үйлчилгээ сайтай байдаг.
• Төр засаг нь төсвийн мөнгөө ард иргэдийнхээ амьдралд хэрэгтэй, ая тухтай амьдралыг нь хангах зүйлсд зарцуулна.
• Бүх гудамж талбай нь гэрэлтэй бас цэвэрхэн. Зам нь өргөн. Хаяг байршил нь тодорхой. Төвөөс алслагдсан айлууд нь хүртэл бохирын шугамд холбогдчихсон хананаасаа ус аваад л...
• Хүний дэл сул юм цохиод байх хулгайч ч алга. Хүнсний зах орохдоо өөр газраас авсан зүйлсээ мопед дээрээ тавьчихаад ногоо цуглуулаад гараад ирэхэд бүх зүйлс байсан газраа байж л байна.
• Цүнхнээс юм хулгайлчих вий гэж айх айдасгүй ангайгаад л автобус метронд явдаг юм
• Ер нь төсвийн мөнгийг ийм хэнд ч хэрэггүй утгагүй зүйлст зарцуулчихлаа гэж гомдоллох хятад хүн олдохгүй л байх. Улс төрийн хэрүүлд оролцож тэнэг хүмүүсийн гаргасан шийдвэрийн өмнөөс ард түмнээрээ ууцаарлан бухимдах шаардлага энд алга.
• Угаасаа энд тэнэг шийдвэр гаргадаг ч хүн алга хэхэ. Бүгд ард түмний дийлэнх олонхид нийцтэй зөв шийдвэрүүд л байх юм. Тэрийг нь ч ард иргэд нь дагаж мөрдөх юм.
• Энэ олон сая хүмүүс бүгд нийгмийн сүлжээндээ төр, засгийн шийдвэртэй холбоотой хэрүүл хийхгүй урдахаа хийгээд амар амгалан, тайван сайхан амьдарч болоод байна.
• Тэдний төр засаг хийх ёстой зүйлсээ хэнээр ч хэлүүлэхгүй бас тэнэгтэхгүй хийж чаддаг.
• Хөшөө цогцолбор барих шаардлагатай бол зөвхөн аялал жуучлалд зориулж, эргээд мөнгө олж гаргасан зардлаа нөхөж болохуйцаар цогц аялал жуулчлалын байгууламж бүтээж, тийм газруудыг засч тохижуулдаг.
• Зам тээвэр, гүүр, томоохон дэд бүтцүүддээ харин мөнгийг зарцуулсан шиг зарцуулна, хийсэн шиг хийнэ. Чадаад хийчихсэн зүйлсийг нь харах болгонд атаархаад шилэн хүзүү татах юм.
• Ард түмнийг аахар шаахар зүйлсд бухимдах сэдэл өгүүлэхгүй ажлаа хийгээд байдаг удирдлагуудтай улс орны иргэд чинь гар газар хөл хөсөр зав олдвол тикток үзэж, цэцэрлэгт хүрээлэнгүүдэд зугаалж, орой болгон гудамж талбайдаа гарч ирж олноороо нийтийн бүжиг хийж зугаацахаас өөр хийх ажилгүй байцгаах юм байна шд.

Гэтэл манайхан ард иргэдийнхээ эрүүл амьд байх, ажил орлоготой байх наад захын хэрэгцээ шаардлагыг биелүүлж чадахгүй байж хэнд ч хэрэггүй хөшөөнүүдэд хэдэн тэрбумаар нь төсөвлөөд л байх юм... Шавар хөшөөнд мөнгө зарцуулж байх зуур Монголын үрс гадаа модон жорлонтой сургуульд сурч, өвдвөл ор олдохгүй хүйтэн коридорт шалаар зулаастай хэвтэж байх гэж дээ. Энэ олон тэрбумаар өчнөөн хэрэгтэй зүйлс хийж болмоор доо. Төрд бирд үүрлэсэн байна.

Ичихгүй юм даа энэ төсвийн мөнгө идэгч гахайнууд бас дээр нь цадахгүй юм

Зураг:

Метроноос гэр лүүгээ харих замд. Тэр цаана миний амьдардаг хотхон харагдаж байна. Ийм сэлүүхэн сайхан. Мопедоо унаад салхи татуулан хурдлахад сэтгэл тэнэгэр байдаг ч гэртээ ороод утсаа нээгээд фэйсбүүк дээр та нарын шэйрлэсэн зүйлсийг харахаар Монголыг минь яаж удирдахаараа ийм цөөхөн ард түмнийг ийм дорд амьдруулж чадаад байгааг нь гайхах юм.

Монголд яг эсрэгээрээ хэдэн шийдвэр гаргагчид нь "Хэн нь хамгийн том тэнэгтэх вэ?" тэмцээн уралдаанд орж байгаа аятай хаха.