Ээж нар амьдралын үнэнийг л ярьж байна даа. Нөхөртэйгээ хамтдаа жилдээ бүх төрлийн татварт 15.0 сая шахам төгрөг төлсөн байтал балчир хүүхэд нь цэцэрлэгийн сугалаанд бүдэрч, ханиад хүрч өвдөхийн цагт эмнэлэгт ор олдохгүй дугаарлаж байгаа талаар нэгэн ээж учирлаж байна. Хэрэв хувийн эмнэлэгт хандвал дээрх мөнгөөр эмчлүүлээд дуусахгүй, хувийн цэцэрлэгт хүүхдээ өгвөл сэтгэл амар ажилдаа явж болох тухай ч хөндлөө.
Яах аргагүй л үнэн. Зөв харьцуулалт, зөв дүгнэлт. Татвараа төлөөд байдаг, үйлчилгээ авч чаддаггүй. Төр ачааллаа ч дийлэхгүй, зохицуулалтаа ч дийлэхгүй болоод удаж байна. Хүн ам цаашдаа өснө, хүрэлцдэггүй олон асуудлаа хэрхэх вэ? Энэ тохиолдолд хувийн хэвшлийнхний шинэлэг үйлчилгээ, шинэ хэв маяг, шинэ хандлага үүнд хавсрах хүч, хамжааргадах ухаан болох учиртай. Яг ийм асуудалтай нүүр тулаад, яахын ч аргагүй Практикал даатгалын "Энх ирээдүй" үйлчилгээг сонирхсон. Эхэндээ юун ч гоё нэртэй юм гэж хардаж бодсон.
Тэгээд дараа нь хайж байсан эрүүл мэндийн, эрүүл үйлчилгээ болохыг ойлгосон. Хааяа өвдөнө, хаа нэгтээ хөндүүрлэнэ. Улсын эмнэлэгт гүйгээд очно, уртаас урт дараалал угтана. За тэр дараалал бол сараар сунаж, өдрөөр сунжирна. Эмчийн өрөөний хаалганд хариугүй тулж байтал хэн нэгний арын хаалганы хүн урдуур шуугиад ороод ирнэ. Дахиад л хүлээлт, давхар бас бухимдал. Зарим аппарат нь засвартай, нөгөө зарим нь эвдэрсэн угтана. Эмнэлэгт хэвтлээ гэхэд эрж хайсан үйлчилгээгээ авахад аль аль талаасаа хэцүү. Өдөржин хоол зөөлгөөд, утсаараа хашгирч чалчаад байдаг хөрш таарна.
Ариун цэврийн өрөө, алд биений тав тух гээд юм юм таарахгүй, юу болоод байгааг ч ойлгохгүй...энэ бүхнээс нь төвөгшөөгөөд гайгүй хувийн эмнэлэг бараадъя гэхээр тоолдог хэд нь толгой дээр бууна. Ийм байдалтай инээх, ярвайхын дунд өөрийгөө аргалаад, өвчин тоочоод явж байгаа хүн олон доо. Тэгвэл Практикал даатгалын "Энх ирээдүй" эрүүл мэндийн даатгал толгойн өвчин болсон энэ асуудлуудыг тодосгоод шийдчихжээ. Сардаа нөхцөл боломжоосоо шалтгаалан 20, эсвэл 50 мянган төгрөгөөр даатгуулчихдаг юм байна. Тэгээд улсын болон хувийн ямар ч эмнэлгээс үйлчилгээ авсан ялгаагүй, төлбөр нь дансанд гүйгээд ороод ирж байна.
Тэдний жагсаалтанд Грандмед, Интермед, Эм Би Жи, Сөүл зэрэг орчин үеийн үйлчилгээ, тоног төхөөрөмжтэй эмнэлгүүд дурайж байна. Ажлын бус цагаар асуудал тулгарсан ч шийдчихэж байна. Энүүхэндээ гэхэд эрүүл мэндийн ийм л цэгцтэй, шуурхай, орчин үеийн үйлчилгээг иргэд маань хүсээд байгаа юм шүү дээ. Өнгөрсөн зууны хандлага, үйлчилгээ, орчин нөхцлийн төлөө өчнөөн их даатгал төрдөө төлсөн. Тэгвэл энэ цагийн эрүүл мэндийн үйлчилгээг эл даатгалаар дамжуулан авч болох нь ээ. Тэгээд юу гээч, эх орондоо эрүүл амьдрах нэг ч гэсэн боломж, нөхцөл, үйлчилгээг бий болгож байгаад баярлалаа, Практикал даатгал.
Энэ мэтээр хувийн хэвшлийнхэнтэйгээ хавсарч байгаад энэ төр эрсдэлтэй олон асуудлаа эв зүйгээр шийдээсэй дээ. Тийм ээ, ээж нар амьдралын үнэнийг ярьж байна. Түргэн тусламжийн эмчид бүтэн 10 минут гэртээ сууж байгаад загнуулснаа илчилж байна. Юуны төлөө даатгал төлсөн хэрэг вэ? Төлдөг даатгалдаа төвшин таарах үйлчилгээг л авдаг баймаар байна шүү. Энх ирээдүйн сардаа 20к-ын даатгал эмнэлгээр очих дургүй надад энүүхэндээ гэхэд яг таарлаа.
