Америкийн стратегийн тагнуулын нисгэгчгүй RQ-4 Global Hawk 2017 оны зургадугаар сард сүйрснийг чиглүүлэгчгүй байснаас болсон гэж АНУ-ын Цэргийн нисэх хүчний мэдээлснийг Air Force Magazine хэвлэл дамжууллаа. Үйл явдал америкийн цэргийн техникүүд радио электрон мэдээллийн дэд бүтэцтэй шууд хамааралтай байснаас болсон гэж Оросууд үүний өмнө мэдээлж байсан юм.
Нисгэгчгүй аппарат Калифорни мужийн Эдвардсын цэргийн нисэх хүчний баазаас хөөрсний дараа чиглүүлэгчийн нь нэг төхөөрөг буруу зааж эхэлснээс RQ-4 Global Hawk тодорхойгүй маневр хийж, хэт хурдан нисч байгаад Сьерра-Невадагийн нурууны хамгийн өндөр цэг Уитни уулаас холгүй, эзгүй газар унасан юм.
Осол хүрээлэн байгаа орчинд хортой нөлөө үзүүлээгүй гэж Air Force Magazine хэвлэл тэмдэглэжээ. Цэргийн нисэх хүчин АНУ-ын Ойн албатай хамтраад осол болсон газрыг цэвэрлэж, нисгэгчгүй аппаратын сэг үлдэгдлийг зайлуулж байгаа юм. RQ-4 Global Hawk-ийн ослын нийт хохирол нь 79 сая доллараар хэмжигдэж байна.
Оросын цэргийн шинжээчид америкийн цэргийн техник нь мэдээллийн болон радио электрон дэд бүтэцтэй, ялангуяа дэлхий дахины чиглүүлэгчтэй нягт холбоотой, энэ нь жагсаалаас гарсан тохиолдолд байлдааны ажиллагаанд юун түрүү нөлөөлнө гэж бүр зургадугаар сард мэдэгдэж байсан юм.
Стратегийн тагнуулын нисгэгчгүй аппарат Northrop Grumman RQ-4 Global Hawk нь 19,8 мянган метрийн өндөрт цагт 800 км-ийн хурдтай нисч 24,9 мянган км зам туулах чадвартай юм. Агаарт нийтдээ 36 цаг ажиллана.
RQ-4 Global Hawk нь өндөр тодорхойлон мэдрэгч, тандалтын радио электрон төхөөрөг, дохио хүлээн авч дамжуулагчаар тоноглогдсон байдаг юм байна.