НҮБ-д суугаа Кубын төлөөлөгч "Кубыг эдийн засгийн хувьд боомилсон хоригоо цуцлахыг АНУ-аас шаардана уу" хэмээн НҮБ-д уриаллаа. Америкийн энэ хориг бол бөөнөөр нь хөнөөх үйлдэл гэж тэрбээр нэрлэсэн байна.
“Бараг жаран жилийн туршид хэрэгжүүлж байгаа АНУ-ын засгийн газраас тавьсан Кубын эсрэг эдийн засаг, худалдаа, санхүүгийн энэ бүслэн хаах бодлого нь нэг улсын эсрэг авсан хамгийн удаан үргэлжилж байгаа хориг” хэмээн Кубээс НҮБ-д суугаа төлөөлөгч Биана Лейва Регуэйра мэдэгдсэн байна.
Түүнийхээр бол энэ бүслэлт хамгийн харгис бөгөөд кубын ард түмний эрхийг системтэйгээр зөрчиж байгаа үйлдэл төдийгүй үндсэндээ бөөнөөр нь хөнөөх үйлдэл болж, НҮБ-ын дүрэм, олон улсын эрхийг зөрчиж байгаа үйлдэл гэнэ.
Куба улсын Сайд нарын Зөвлөл, Төрийн зөвлөлийн дарга Мигель Диас-Канель өнгөрсөн даваа гарагт энэ талаар АНУ-аас манай оронд тавьж байгаа тус хориг нэрт хүчирхийллийн бодлого нь кубачуудын замд бэрхшээл учруулж, үндсэн хуулийн дэг журамд харшилж байна гэж мэдэгдсэн юм.
Куба улс арал дээрх Америкийн талын хөрөнгийг улсын өмч болгосонтой холбогдуулан АНУ 1961 онд Кубээс дипломат харилцаагаа таслан Кубын эсрэг худалдаа, эдийн засгийн бүсчлэн хаах бодлого хэрэгжүүлж эхэлсэн юм.
Америкийн энэ бодлогыг өөрчлөх тухай тогтоолын төслийг Куба улс НҮБ-ын Ерөнхий Ассамблейд 1992 оноос хойш жил бүр өргөн барьж байгаа бөгөөд олон улсын хамтын нийгэмлэгийн гишүүн орнуудын ихэнх нь энэхүү баримт бичгийг дэмжиж байгаа юм.
