Дональд Трамп Францын дарсанд татвар ноогдуулна хэмээн сүрдүүлэв
АНУ-ын Ерөнхийлөгч Дональд Трамп өнгөрөгч баасан гарагт Франц улс Америкийн технологийн компаниудаас өндөр татвар авах санал гаргасанд хариу болгож тус улсаас орж ирж буй импортын дарсанд татвар ноогдуулна хэмээн сүрдүүлжээ.
Трамп өнгөрсөн долоо хоногт Францын Ерөнхийлөгч Эммануэль Макронд цахим үйлчилгээнд татвар ноогдуулах хуулийн төслийн тал дээр анхаарал хандуулж байгаа болохоо хэлж байв.
"Тэдгээр компаниудаас татвар татаж болох ганц улс нь тэдний эх орон буюу АНУ байх ёстой. Бид удахгүй Макроны тэнэг үйлдлийн эсрэг хариу арга хэмжээ авах болно" гэж Дональд Трамп өчигдөр жиргэжээ. Түүнчлэн тэрбээр сэтгүүлчдэд Францын татварын шинэ бодлого буруу байгааг шүүмжлээд, өөрсдийнх нь гол экспортын эсрэг хариу арга хэмжээ авах болохоо илэрхийлжээ. "Манай талын шийдвэр удахгүй тодорхой болно. Импортын дарсан дээр, эсвэл өөр нэг бараан дээр нь татвар ноогдуулах байх" хэмээн Трамп үргэлжлүүлжээ.
Франц дарснууд Америкт ямар ч татваргүй орж ирдэг байхад Америкт үйлдвэрлэсэн дарс Францад татвартай нэвтэрдэг явдлыг тэр шударга бус гэж тэрбээр өмнө нь илэрхийлж байжээ.