8 Жиоржио Армани - 1.25 сая евро

85 настай тэрбумтан Жиоржио Армани  шинэ төрлийн корона вирустэй тэмцэж 2 эмнэлэг, Милан болон Ромын их сургуулиудад 1.25 сая евро (1.43 сая доллар) хандивлана гэдгээ мэдэгдсэн байна.

7 Жорж Сорос - 2 сая евро

Өдгөө 89 настай “Соросын сан”, “Нээлттэй Нийгэм”, “Квантум сан”-ийн үүсгэн байгуулагч Жорж Сорос нь дэлхийн томоохон баячуудын нэгт тооцогддог бөгөөд шинэ төрлийн коронавирусийн эсрэг Европийн хотуудад 2 сая евро (2,2 сая ам.доллар) хандаивласан байна. 

6 Хонг Конгийн тэрбумтан Ли Ка-Шинг - 100 сая Хонг Конг доллар

Ноён Ли Хонг Конг болон Ухан хот дахь корона вирусын эсрэг тэмцэж буй эмнэлгийн ажилтнуудад 100 сая Хонг Конг доллар (13 сая ам.доллар) хандивлана гэдэгээ "Bloomberg"-т хэлсэн байна. 

5 Жак Ма - 100 сая юань

Alibaba корпорацийн үүсгэн байгуулагч Хятадын хамгийн баян эрхэм Жак Ма коронавирусийн эсрэг вакцин гаргаж авахад 100 сая юань (14.5 сая доллар) хандивлана гэж Хятадын "Weibo" платформд өөрийн хаягаараа ам гарсан аж. Тэрээр “Хүмүүсийн тэмцэл болон тахалт өвчин нь урт хугацааны аялал гэдгийг бид бүгд мэднэ. Харин энэ мөнгө эмнэлгийн судалгааны ажилд олон талаар туслах ба энэ өвчнөөс урьдчилан сэргийлэхэд зориулагдана” хэмээн нийтэлсэн төдийгүй Австрали улсын “Peter Doherty-ийн нэрэмжит халдвар ба дархлааны их сургууль”-д коронавирусийн эсрэг вакцин гарган авах ажилд 2,15 сая ам.долларын хөрөнгө оруулалт хийн АНУ болон Африкд амны хаалт,  коронавирус илрүүлэх төхөөрөмжийг тус тус хандивласан аж.

4 Марк Зукерберг - 25 сая ам.доллар

"Facebook"-ийн үүсгэн байгуулагч дэлхийн хамгийн баян хүмүүсийн 7 дугаарт эрэмблэгдэж буй Марк Зукерберг болон түүний эхнэр Присила Чан нар Гэйтсийн гэр бүлийн хөрөнгө оруулсан шинэ төрлийн корона вирусээс урьдчилан сэргийлэх тариа гаргаж авах төсөлд 25 сая ам.доллараар хөрөнгө оруулна хэмээн "Business Insider" сайтад мэдэгджээ.

3 Мукеш Амбани - 66.7 сая доллар

Азийн тэргүүн баячуудын нэг Энэтхэгийн тэрбумтан Мукеш Амбани Мумбай хот дахь коронавирусийн эсрэг эмнэлэг барих ажилд 66.7 сая ам.доллар хандивласан байна. Тэрээр Энэтхэгийн томоохон компаниуд болох "Reliance Industries Ltd" болон" Fortune Global 500" зэргийг эзэмшдэг байна.

2 Билл болон Мелинда Гэйтс - 100 сая ам.доллар

Гэйтсийн гэр бүл тахалт өвчний эсрэг тэмцэхэд туслах, Африк болон Өмнөд Азийн өвчтөнүүдийг эмчлэх, уг өвчнөөс урьдчилан сэргийлэх вакциныг гаргаж авах төсөлд нийт 100 сая ам.доллар хандивлана хэмээжээ.  

1 Жак Дорси - 1 тэрбум доллар

"Twitter" болон "Square" корпорацийг үүсгэн байгуулагч, гүйцэтгэх захирал Жак Дорси нийт 3.6 тэрбум ам.долларын хөрөнгөтэй бөгөөд шинэ тахалт өвчний эсрэг хувиасаа 1 тэрбум ам.доллар хандивлана гэдгээ өөрийн "Twitter"  хаягаараа мэдэгдсэн байна. 43 настай тэрбумтан тэрээр боловсрол болон эрүүл мэндийн салбарт маш их хөрөнгө оруулалт хийдэг бөгөөд тэдгээрийн нэг нь коронавирусийн эсрэг тэмцэхэд зориулсан хандив юм.