Австрали улс нь Монгол улсыг бодвол цахим орчинд мэдээлэл нь байнга шинэчлэгддэг, хайж чадвал бүх мэдээлэлтэй гэдгээрээ маш давуу талтай. Тиймээс та бүхэнд үүнийг ашиглан өөртөө тохирсон сургууль хайх бяцхан зөвлөгөөг өгье. Бага зэргийн англи хэлтэй, өөрөө үнэхээр хүсэж байгаа бол энэ бол асуудал биш ээ.
Хэрэв та төлбөрөө төлөөд сурахаар явж байгаа бол энэ бол өөртөө хийж буй асар том хөрөнгө оруулалт. Хөрөнгө оруулалт болохоор та аль сайн сургуулийг нь сонгож суралцахыг эрмэлзэж байж болох юм. Гэхдээ бүх мэргэжил дээр энэ нь сайн, тэр ч нь сайн гэж хэлэхэд хэцүү, мөн зарим сургуулиуд судалгаан дээр, зарим сургуулиуд практик дээрээ, зарим сургуулиуд шинэ нээлтийг түлхүү анхаардаг.
Тийм ч учраас сургууль бүхэн өөр өөрийн чиглэлд таарсан сургуулиудын сүлжээнд орсон байдаг. Тухайлбал G8 гэдэг сүлжээнд Australian National University, Sydney University, Melbourne University, University of Western Australian, University of Southern Australia, University of Queensland гээд Австрали улсын шилдэг 8 сургууль багтдаг. Энэ нь ихэвчлэн мужийн болон үндэсний сургуулиуд.
Харин Австралийн Технологийн сүлжээ гэдэгт техник технологийн чиглэлээр сургадаг 5 сургууль багтана. Мөн л энэ чиглэлээрээ маш нэр хүндтэй сургуулиуд. Энэ талаарх нэмэлт мэдээллийг www.gooduniversitiesguide.com.au гэсэн холбоосоос авах боломжтой.
Гэхдээ ихэнх шилдэг гэсэн сургуулиуд төлбөрийн хувьд өндөр бөгөөд ихэвчлэн жилийн 35,000-40.000 австрали долларын хооронд байх нь бий. Боломжийн үнэтэй сургууль сонгохыг хүсэж байгаа бол эхлээд хотоо судлаад түүнийхээ дагуу сургуулиа хайж болно. Тухайлбал та бизнесээр сурахыг хүсэж байвал интернетээс Top 20 Universities for MBA in Sydney гэдэг байдлаар хайж болно.
Түрүүнд хэлсэнчлэн сургууль болгон өөрийн гэсэн цахим хуудастай. Та өөрийнхөө сонирхож буй сургуулийн нэрийг бичиж хайгаад цахим хаягаар нь орж болно. Оронгуут Future Students гэсэн холбоосууд бий. Түүн дээр сургууль нь хаана байрладаг, ямар үнэт зүйлтэй, ямар ямар мэргэжлийг олгодог гэдгийг харах боломжтой. Мөн өөрийнхөө хайсан мэргэжлийг сонгоод тухайн мэргэжил хэдэн жилийн хөтөлбөртэй, жилийн төлбөр нь хэд болох, бүр тэрчлэн ямар хичээлүүд үздэг гээд бүх мэдээллүүд бий. Мөн олон улсын оюутнуудад зориулсан зөвлөгөө ч мөн энд багтсан.
Сургуулиа сонгох бас нэг чухал үзүүлэлт нь сургуулийн дотор зохион байгуулагддаг арга хэмжээнүүд, оюутны амьдрал, номын сан, оюутанд зориулсан үйлчилгээнүүд зэргүүд. Та өөрийн сонгосон сургуулийнхаа талаарх энэ мэдээллүүдийг тухайн сургуулийн өөрийнх нь вэб хуудас, нүүр номоос хайгаад харах боломжтой
Мэдээж хэрэг тухайн сургуульд нь Монгол хүн сурдаг бол тэр хүнтэй холбогдож зөвлөгөө авах нь маш зүгээр. Тэд нар бол сургуулийн талаар маш нарийн зүйлүүдийг хэлж өгч чаддаг.
“Study Solution” агентлаг
